ގެސްޓް ހައުސަސް މޯލްޑިވްސްއިން ހޮވާ ރާއްޖޭގެ އެންމެ ކަމުދާ ގެސްޓްހައުސް ރަށުގެ އެވޯޑް ވ.އަތޮޅު ފުލިދޫ ލިބިއްޖެއެވެ.
މި އެވޯޑަކީ ރާއްޖެއަށް ޒިޔާރަތްކުރާ ފަތުރުވެރިންނާއި، ރަށްރަށުގެ ގެސްޓްހައުސްތަކަށް ޒިޔާރަތްކުރާ ދިވެހިންގެ ވޯޓުގެ މައްޗަށް ބިނާކޮށް ދޭ އެވޯޑެކެވެ. މި އެވޯޑް ވ. ފުލިދޫއަށް ހަވާލުކުރުމަށް ހަމަޖެހިފައިވަނީ މިމަހުގެ 23 ވަނަ ދުވަހު ޕެރެޑައިސް އައިލެންޑް ރިސޯޓުގައި ބާއްވާ ގެސްޓް ހައުސަސް މޯލްޑިވްސް ކޮންފަރެންސްގައެވެ.
މޯލްޑިވްސް ގެޓަވޭސުން މައުލޫމާތުދޭގައި މިއަހަރުގެ މި އެވޯޑަށް ވޯޓުލުމަށް ހުޅުވާލުމުން ބޮޑު ތަރުހީބެއް ލިބިގެން ދިޔަ ކަމަށެވެ. އެގޮތުން ދިހަ ހާހަށްވުރެ ގިނަ ވޯޓު ލިބުނު ކަން ގެސްޓްހައުސަސް މޯލްޑިވްސްއިން ފާހަގަކުރެއެވެ. މި އެވޯޑާއެކު ގެސްޓްހައުސަސް މޯލްޑިވްސްގެ ހަތަރުވަނަ އެޑިޝަންގެ ކަވަރގައި ހިމެނޭނީ ވ. ފުލިދޫއެވެ.
ހުސްވި އަހަރު މި އެވޯޑު ލިބިފައިވަނީ އދ. ދިގުރަށަށެވެ. ރާއްޖޭގެ އެކި ހިސާބުތަކަށް ގެސްޓްހައުސް ވިޔަފާރި އަންނަނީ ފުޅާވަމުންނެވެ. އަދި މި ވިޔަފާރިން އަތޮޅުތެރޭގެ ރަށްރަށުގެ ރައްޔިތުންނަށް ރަގަޅު ނަފާއެއް ލިބެމުންދާކަންވެސް ފާހަގަކޮށްލެވެއެވެ.