އިސްލާމިކް މިނިސްޓްރީއާއި ޕީއެސްއެމް ގުޅިގެން ކޮންމެ ހަފްތާއެއްގެ ހުކުރުދުވަހު ބާއްވާ ހުކުރު އުފާ ފެސްޓިވަލް މިއަދު ހަވީރާއި މިރޭވެސް އިސްލާމީ މަރުކަޒު ސަރަޙައްދުގައި އޮންނާނެއެވެ.
މިފެސްޓިވަލްގައި މިއަދު ހަވީރު 4:00 - 6:00 އަށް ކުޑަކުދިންނަށް ޚާއްޞަ ގިނަ ހަރަކާތްތަކެއް ހިންގާނެއެވެ. މި ފެސްޓިވަލްގެ ތެރޭގައި ދީނީ ފޮތްތައް ބެހުމާއި މުސްޙަފު ބެހުންވެސް ކުރިއަށްދާނެއެވެ. މީގެ އިތުރުން ތަފާތު ސްޓޯލްތަކުން ދީނީ މަޢުލޫމާތު ހިމެނޭ ފޮތްތައް ވިއްކުމާއި، ކުޑަކުދިންނަށާއި ބޮޑެތިމީހުނަށް ދީނީ މަޢުލޫމާތު ދިނުންވެސް ކުރިއަށްދާނެއެވެ.
ހުކުރު އުފާގެ މިހަފްތާގެ ދަރުހުގެ މައުޟޫއަކީ" އުމުރުން ދުވަސްވީ މީހުންނަށް ކަމޭހިތުން" މި މައުޟޫއަށް މިރޭ ދަރުސް ދެއްވާނީ އައްޝައިހް އިބްރާހީމް އަހްމަދެވެ. ދަރުސް އޮންނާނީ މިރޭ 8:30 ގައި އިސްލާމީ މަރުކަޒު ސަރަހައްދުގައެވެ.