"ޓެލެގްރާފް ޓްރެވަލް އެވޯޑް"ގެ ފަތުރުވެރިންގެ މެދުގައި އެންމެ މަޤްބޫލް މަންޒިލްގެ ކެޓަގަރީން ދެވަނަ ގައުމަކަށް މި ފަހަރުވެސް ރާއްޖެ ހޮވިއްޖެއެވެ. މީ މި އެވޯޑް ރާއްޖެއަށް ލިބުނު ފަސްވަނަ ފަހަރުއެވެ.
އިނގިރޭސިވިލާތުގެ މަޝްހޫރު ނޫސް މަޖައްލާއެއް ކަމަށްވާ ޓެލެގްރާފުން އަހަރަކު އެއްފަހަރު ދޭ "ޓެލެގްރާފް ޓްރެވަލް އެވޯޑް" އެންމެ މަޤްބޫލް މަންޒިލްގެ އެވޯޑުގެ ކެޓަގަރީން އެވަނަ ލިބުނީ ނިއުޒިލޭންޑަށެވެ. ތިންވަނަ އަށް ހޮވިފައިވަނީ ސައުތު އެފްރިކާއެވެ.
"ޓެލެގްރާފް ޓްރެވަލް އެވޯޑް" ވެގެންގޮސްފައިވަނީ ފަތުރުވެރިކަމުގެ ދާއިރާގައި ދޭ އެވޯޑްތަކުގެ ތެރެއިން އެންމެ އިތުބާރު ކުރެވޭ އެއް އެވޯޑަށެވެ. މި އެވޯޑްގައި ތަފާތު އެކި ކެޓަގަރީތައް ހިމެނެއެވެ. އޭގެތެރޭގައި އެންމެ ކަމުދާ ސިޓީ، ހޮޓެލް ޗެއިން، އެއަރލައިން އަދި ޓުއަރ އޮޕަރޭޓަރ ފަދަ ކެޓަގަރީތައް ހިމެނެއެވެ.