އެންމެ އިސްކަމެއް ދެއްވާނީ ސަރުކާރުގެ ލެޖިސްލޭޓިވް އެޖެންޑާ އަވަހަށް ކުރިއަށް ގެންދިއުމަށްކަމަށް،ރައްޔިތުން މަޖިލީހުގެ މެޖޯރިޓީ ލީޑަރ، ވިލިމާލެ ދާއިރާގެ މެމްބަރު އަޙްމަދު ނިހާން ހުސައިން މަނިކު ވިދާޅުވެއްޖެއެވެ.
ޕީޕީއެމް ގެ ޕާލިމެންޓްރީ ގްރޫޕްގެ ލީޑަރަކަށް އިންތިޚާބު ވެވަޑައިގެންނެވުމަށްފަހު ނޫސްވެރިނާއި ބައްދަލްކުރައްވާ ނިހާން ވިދާޅުވީ، މިހާރުގެ ޕާލިމެންޓްރީ ގްރޫޕުން ޚިދުމަތްތަކެއް ކޮށްދޭންޖެހޭކަމަށާއި، އެޚިދުމަތްތައް ފެށިގެން އަންނާނީ ސަރުކާރުގެ ލެޖިސްލޭޓިވް އެޖެންޑާގެ އޮނިގަނޑުގެ ތެރެއިންކަމަށެވެ.
ލެޖިސްލޭޓިވް އެޖެންޑާގެ ބޮޑު ބަޔަކީ ސަރުކާރުން ޕީޕީއެމްގެ ޕީޖީ ގްރޫޕްއާއި ހިއްސާކުރާނެ ކަންތައްތަކެއްކަން ފާހަގަކުރައްވާ ނިހާން ވިދާޅުވީ، އަމާޒަކީ މިހާތަނަށް ރާއްޖޭގެ ޕާލިމެންޓަރީ ގްރޫޕެއްގެ މަސައްކަތް، އެންމެ ފުރިހަމައަށް މަޖްލީހުގެ ތެރެއިންނާއި ބޭރުން ވީހާވެސް ފުރިހަމައަށް ގެންދިއުންކަމަށެވެ.
ނިހާންވިދާޅުވީ، ސަރުކާރުގެ މައިގަނޑު ސިޔާސަތަކީ އިގްތިސާދު ވަރުގަދަކުރުންކަމަށްވާއިރު އިކޮނޮމިކް މިނިސްޓްރީން ތައްޔާރުކޮށްފައިވާ އިގްތިޞާދީ ޕްލޭންގެ ދަށުން އަންނަ ބިލްތައް މަޖްލިހަށް ވަރަށް އަވަހަށް ހުށައަޅުއްވާނެކަމަށާއި އެއީ ޕާލަމެންޓްރީ ގްރޫޕްގެ ވަރަށް އިސް މަސައްކަތަކަށް ވެގެންދާނެކަމަށެވެ.
އިކޮނޮމިކް މިނިސްޓަރ މުޙައްމަދު ސައީދު ވެސް މިއަދު ވިދާޅުވީ، އިގްތިޞާދީ ޙާއްސަ ބިލްތައް މިހަފްތާގެތެރޭގައި ރައްޔިތުންގެ މަޖިލީހަށް ހުށަހަޅުއްވާނެކަމަށެވެ.