ކޮންޓްރޯލަރ އޮފް އިމިގްރޭޝަން އެންޑް އެމިގްރޭޝަންކަމުގެ މަޤާމުގައި ހުންނެވި ހަސަން އަލީ އެމަޤާމުން ވަކިކޮށްފިއެވެ.ރައީސުލްޖުމްހޫރިއްޔާ އޮފީހުން ބުނީ ހަސަން އަލީގެ ބަދަލުގައި ކޮންޓްރޯލަރ އޮފް އިމިގްރޭޝަން އެންޑް އެމިގްރޭޝަންކަމުގެ މަޤާމަށް ސިނަމާލެ ތިނެއް 03-05 މުހައްމަދު އަންވަރު ރައީސުލްޖުމްހޫރިއްޔާ އައްޔަންކޮށްފައިވާކަމަށެވެ. އަދި ކޮންޓްރޯލަރ އޮފް އިމިގްރޭޝަންގެ މަޤާމުގައި ހުންނެވި ހަސަން އަލީ ހައުސިންގ މިނިސްޓްރީގެ ޑެޕިއުޓީ މިނިސްޓަރަކަށް ރައީސުލްޖުމްހޫރިއްޔާ އައްޔަންކުރައްވާފައިވާކަމަށްވެސް ރައީސް އޮފީހުން ބުނެއެވެ.ކޮންޓްރޯލަރ އޮފް އިމިގްރޭޝަން އެންޑް އެމިގްރޭޝަންކަމުގެ މަޤާމަށް މިއަދު އައްޔަންކުރި މުހައްމަދު އަންވަރު މިހާތަނަށް ހުންނެވީ، މާލެ ސިޓީ ކައުންސިލުގެ ސެކްރެޓަރީ ޖެނަރަލްގެ މަޤާމުގައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ