ޤާނޫނީ ހަމަތަކުގެ ތެރެއިން ރާއްޖޭގެ ވެރިކަން ހަމަ މަގަށް އެޅުވުމަށްކަމަށް ބުނެ، ޖުމުހޫރީ ޕާޓީއާއި މޯލްޑިވިއަން ޑިމޮކްރެޓިކް ޕާޓީ ގުޅިގެން މަސައްކަތް ކުރުމަށް ނިންމައިފިއެވެ.ޖުމުހޫރީ ޕާޓީން އިސްނަގައިގެން މ.ކޫނޫޒްގައި އެމް.ޑީ.ޕީ އާއެކު ބޭއްވި މަޝްވަރާ ބައްދަލުވުމަކަށްފަހު ނޫސްވެރިންނަށް މައުލޫމާތުދެއްވަމުން ޖޭ.ޕީގެ ނައިބު ލީޑަރ އަމީން އިބްރާހީމް ވިދާޅުވީ، ރާއްޖޭގެ ސިޔާސީ މާޙައުލު އޮތްގޮތުން ރަނގަޅު ބަދަލަކަށް އެދި ރައްޔިތުން ވަރަށް ބުރަ މަސައްކަތުން ގެނައި ސަރުކާރުން އަމަލުކުރަމުންދަނީ ގާނޫނު އަސާސީއާއި ޚިލާފް ރޫހެއްގައިކަމަށެވެ. އެހެން ކަމުން ރައްޔިތުންގެ މަޖިލީހުގެ ތެރެއިންނާއި، ބޭރުންވެސް ދެޕާޓީ ގުޅިގެން މަސައްކަތްކުރުމަށް ނިންމާފައިވާކަމަށެވެ.އެމް.ޑީ.ޕގެ ފަރާތުން ވާހަކަދައްކަވަމުން ޗެއަރޕާސަން އަލީވަހީދު ވިދާޅުވީ، ޖޭ.ޕީ އާއިކު ބޭއްވުނީ ވަރަށް ކާމިޔާބު ވާހަކަތަކެއްކަމަށާއި، ސަރުކާރު ޖަވާބުދާރީ ކުރަން އެމް.ޑީ.ޕީންވެސް ތައްޔާރަށް އޮތްކަމަށެވެ.