މިނިސްޓްރީ އޮފް ކޮމިޔުނިކޭޝަން ސައިންސް އެންޑް ޓެކްނޮލޮޖީގެ ފަރާތުން "ސައި ޓެކް" ލެކްޗާރ ސީރީޒް ގެ ނަމުގައި ޚާއްސަ ލެކްޗާރ ސީރީސް އެއް އިފްތިތާޙް ކޮށްފިއެވެ.
މިރޭ މޯލްޑިވްސް ނެޝަނަލް ޔުނިވާރސިޓީ(އެމް.އެ.ޔޫ)ގެ އޮޑިޓޯރިއަމްގައި ބޭއްވި ރަސްމިއްޔާތުގައި މިލެކްޗާރ ސީރީސް އިފްތިތާޙް ކޮށްދެއްވީ މިނިސްޓާރ އޮފް ކޮމިޔުނިކޭޝަން ސައިންސް އެންޑް ޓެކޮނޮލޮޖީ މުޙައްމަދު މަލީޙް ޖަމާލެވެ.
މިރޭވަނީ "ޑޫ އަލްގުރިތިމް ހޭވް ޕޮލިޓިކްސް؟ އަރޓިފިޝިއަލް އިންޓަލިޖެންސް ސޮސައިޓީ އެންޑް ގަވަރނަންސް" މި ނަމުގައި ޚާއްސަ ލެކްޗާރ އެއް ބާއްވާފައިއެވެ. މި ލެކްޗާރ ދެއްވީ ޔުނިވާރސިޓީ އޮފް ވޮޝިންގޓަންގެ ޕްރޮފެސަރެއް ކަމަށްވާ ޕްރޮފެސާރ މުޙައްމަދު އައުރެންގޒެބް އަޙްމަދެވެ.
ނޫސްވެރިންނަށް މަޢުލޫމާތު ދެއްވަމުން މިނިސްޓާރ އޮފް ކޮމިޔުނިކޭޝަން ސައިންސް އެންޑް ޓެކޮނޮލޮޖީ މުޙައްމަދު މަލީޙް ޖަމާލް ވިދާޅުވީ ބޭރުގެ ޕްރޮފެސަރުން ރާއްޖެ ވަޑައިގެން މިލިބޭ ފުރުޞަތު ތަކަކީ ވަރަށް ރަނގަޅު ފުރުޞަތު ތަކެއް ކަމަށާއި މިފަދަ ލެކްޗަރެއް ކޮންމެ މަހެއްގައި ވެސް އޮންނާނެ ކަމަށެވެ. އަދި ވިހާވެސް ގިނަބަޔަކު މިލެކްޗާރތަކުގައި ބައިވެރި ވުމަށް އެދިވަޑައިގަންނަވާ ކަމަށްވެސް މިނިސްޓަރ ވިދާޅުވިއެވެ.
މިނިސްޓަރ މަލީޙް ވިދާޅުވީ މިފަދަ ގިނަ ޕްރޮގްރާމްތައް ބޭއްވުމަށް އުއްމީދުކުރައްވާ ކަމަށާ، މިފަހަރުގެ ލެކްޗަރާއެކު މާދަމަ މިކަމާގުޅޭ ޚާއްސަ ވޯރކްޝޮޕެއް ބާއްވަން ނިންމަވާފައިވާކަމަށެވެ.