މާލޭގައި ދެމުންދާ ފެނުގެ ޙިދުމަތުގެ ފެންވަރު ރަނގަޅު ކުރުމަށް ފެނުގެ ނިޒާމް އަޕްގްރޭޑް ކުރަނީ
އެމްޑަބްލިއުއެސްސީން މާލޭގައި ދެމުންދާ ފެނުގެ ޙިދުމަތުގެ ފެންވަރު ރަގަޅު ކުރުމަށް ފެނުގެ ނިޒާމް އަޕްގްރޭޑް ކުރުމުގެ މަސައްކަތް އެކުންފުނިން ފަށައިފިއެވެ.
މާލޭގެ ބައެއް ގެތަކަށް ޕްރެޝަރގައި ފެން ލިބުމުގެ ދަތިކަމަކީ އާއްމުން ކުރަމުންދާ ޝަކުވާއެކެވެ. މި މައްސައްލައަށް ހައްލެއް ހޯދައިދިނުމަށް ވޯޓަރ ނެޓްވޯކް އަޕްގްރޭޑް ކުރުމަށް 24 މިލިއަން ރުފިޔާގެ މަޝްރޫއެއް ފެށުމަށް އެމްޑަބްލިއުއެސީން ވަނީ ހަމަޖެހިފައެވެ.
އެމްޑަބްލިއުއެސްސީން ބޭއްވި ނޫސްވެރިންގެ ބައްދަލުވުމެއްގައި އެކުންފުނީގެ ޑެޕިއުޓީ ޑިވެލިޕްމަންޓް މެނޭޖަރ މުޙައްމަދު ސަމީރު ވިދާޅުވީ މި މަޝްރޫއު ކުރިއަށް ގެންދިޔުމަށް ނިންމާފައިވަނީ ފޭސްތަކަކަށް ބަހާލައިގެން ކަމަށެވެ.
އެމްޑަބްލިއުއެސްސީގެ ފެނުގެ ނިޒާމަކީ 1994 އަހަރުތެރޭ ޤާއިމްކޮށްފައިވާ ނެޓްވޯކަކަށްވާއިރު، އޭރު މި ނިޒާމް ފަރުމާކޮށްފައިވަނީ، ގާތްގަނޑަކަށް 80000 މީހުންގެ އާބާދީއަކަށެވެ.
އެހެން ނަމަވެސް މާލޭގެ އަބާދީ އެތަށް ގުނައަކަށް އިތުރުވެފައިވާ އިރު ފެނުގެ ޚިދުމަތް އެންމެ ފުރިހަމައަށް ލިބުމުގައި ބައެއް ފަރާތްތަކަށް ދަތިތަކެއް ވަނީ ކުރިމަތިލާންޖެހިފައެވެ.