ޓޫރިޒަމް މިނިސްޓަރު އަލީ ވަޙީދު ހައްދުންމައްޗަށް މިހާރު ކުރައްވަމުންގެންދަވާ ދަތުރުފުޅުގައި ހައްދުންމަތީ ކައުންސިލް އަދި ފޮނަދޫ ކައުންސިލްގެ ބޭފުޅުންނާއި ބައްދަލުކުރައްވާ، އެ އަތޮޅުގެ މީހުން ދިރިއުޅޭ ރަށްރަށުގައި ފަތުރުވެރިކަން ކުރިއެރުވުމަށް ހުރި ގޮންޖެހުންތަކާ ގުޅޭ މައުލޫމާތުތައް އޮޅުންފިލުވައިފިއެވެ.
ޓޫރިޒަމް މިނިސްޓަރ މިހާރު ހައްދުންމައްޗަށް ކުރައްވަމުންގެންދަވާ ދަތުރުފުޅުގައި ވަނީ ގަމުގައި ފަތުރުވެރިކަމުގެ ސިނާއަތުގެ ވިޔަފާރިއާއި ގުޅުންހުރި ފަރާތްތަކާއި ބައްދަލުކުރައްވާފައެވެ. މީގެ އިތުރުން މިނިސްޓަރު މިއަދު ވަނީ ގެސްޓްހައުސް އައިލެންޑެއްގެ ގޮތުގައި ތަރައްޤީކުރަމުންދާ ބަރެސްދޫ މަސައްކަތް މިހާރު ކުރިއަށް ގޮސްފައިވާ ހިސާބު ބައްލަވާލައްވާފައެވެ.
މިނިސްޓަރ ލ.އަތޮޅަށް ކުރައްވާ ދަތުރުފުޅުގައި އެމް.އައި.ޓީ.ޑީ.ސީގެ މެނޭޖިންގ ޑިރެކްޓަރ މުޙަންމަދު މާޖިދުއާއި ޓޫރިޒަމް މިނިސްޓްރީއާއި އެމް.އައި.ޓީ.ޑީ.ސީގެ އޮފިޝަލުން ބައިވެރިވެވަޑައިގަންނަވައެވެ.