ނައިބު ރައީސް ޑރ މުހައްމަދު ޖަމީލު އަހުމަދުގެ އިތުބާރު ނެތްކަމުގެ މައްސަލައަށް ލިޔުމުން ޖަވާބުދަރީ ވެވަޑައިގަތުމަށް އެމަނިކުފާނު ނިންމަވައިފިއެވެ.ޕީ އެސް އެމްއަށް މައުލޫމާތު ދެއްްވަމުން ނައިބުރައީސް ޑރ ޖަމީލްގެ އާއިލާގެ ބޭފުޅަކު ވިދާޅުވީ، ލިޔުމުން ޖަވާބުދާރީ ވެވަޑައިގަތުމަށް ޑރ ޖަމީލް ތައްޔާރުވެވަޑައި ގަންނަވަމުންދާ ކަމަށާއި، އެ ޕްރޮސެސް މަޖިލީހުގައި އޮންނަ ގޮތެއް އޮޅުންފިލުއްވުމަށް ނައިބް ރައީސްގެ ފަރާތުން ރައްޔިތުންގެ މަޖިލީހަށް ހުށައަޅާފައިވާ ކަމަށެވެ.ނައިބު ރައީސް ލިޔުމުން ޖަވާބުދާރީ ވެވެޑައިގަންނަވާއިރު، އެމަނިކުފާނު އެކަން ކުރައްވާނީ ލަންޑަންގައި ހުންނަވައިގެން ކަމަށްވެސް ނައިބުރައީސްގެ އާއިލާއިން ބުނެއެވެ. އަދި މިކަމުގައި ރައްޔިތުންގެ މަޖިލީހުގެ ފަރާތުން ދޭންޖެހޭ ފުރިހަމަ އެއްބާރުލުން ދެއްވުމަކީ ނައިބުރައީސް އެދިވަޑައިގަންނަވާ ގޮަތްކަމަށްވެސް އާއިލާއިން ބުނެއެވެ.މީގެ އިތުރުން އެމަނިކުފާނު، ލިޔުމުން ޖަވާބުދާރީ ވެވަޑައިގެން މަޖިލީހަށް ހުށައަޅުއްވާ ލިޔުން މީޑިޔާތަކާއި ހިއްސާ ކުރެއްވުމަށްވެސް ނައިބުރައީސް އެދިލައްވާ ކަމަށް އައިލާއިން ބުނެއެވެ.ނައިބު ރައީސްގެ އިތުބާރު ނެތް ކަމުގެ މައްސަލަ 61 މެމްބަރުންގެ ސޮޔާ އެކު މިހާރު ވަނީ މަޖިލީހަށް ހުށަހައަޅާފައެވެ.މިއާއެކު ގާނޫނުއަސާސީގައި ބުނާގޮތުން ޖަވާބުދާރީ ވެވަޑައިގަތުމަށް 14 ދުވަހުގެ ނޯޓިސް މަޖިލީހުގެ އިދާރާ އިން ނައިބު ރައީސް ޑރ ޖަމީލަށް ފޮނުވާފައިވެއެވެ.މި ނޯޓިސްގެ މުއްދަތު އަންނަ ހަފްތާގެ ހޯމަ ދުވަހަށް ހަމަވާނެއެވެ. ނަމަވެސް ނައިބު ރައީސް ލިޔުމުން ޖަވާބުދާރީވާނެ ތާރީހެއް އާއިލާއިން ހާމަކޮށްފައެއް ނުވެއެވެ.މި މައްސަލަ މަޖިލީހުގައި އެޖެންޑާ ކުރާނެ ދުވަހެއްވެސް އަދި ކަނޑައަޅާފައެއް ނުވެއެވެ.