ތިމަރަފުށީ ޒުވާނުންނަށް އަމާޒުކޮށްގެން ބޭއްވި
ތިމަރަފުށީ ޔޫތް ސްޕޯރޓްސް ފެސްޓިވަލް ނިމިއްޖެއެވެ. ތިމަރަފުށީ ޒުވާނުންގެ މަރުކަޒުން
އިންތިޒާމްކޮށްގެން ކުރިއަށްގެންދިޔަ އިންޑޯ އަދި އައުޓްޑޯ ކުޅިވަރުތައް ހިމެނޭ
ސްޕޯރޓްސް ފެސްޓިވަލްގައި ސޯޅަ ކުޅިވަރެއް ކުރިއަށްގެންދިޔައެވެ. ހަ މުއައްސަސާއަކުން
ޓީމްތައް ވާދަކުރި ފެސްޓިވަލްގައި ހިމެނޭ ފުޓްސެލް މުބާރާތުގެ ޗެމްޕިއަންކަން ހޯދީ
ތިމަރަފުށީ ޞިއްޙީ މަރުކަޒެވެ. އެއީ ފައިނަލްގައި ތިމަރަފުށީ އެއަޕޯރޓްގެ މައްޗަށް
ކުރި ހޯދައިގެންނެވެ.
ބެޑްމިންޓަންގެ ޑަބަލްސް ފިރިހެން ބައިގެ ޗެމްޕިއަންކަން ހޯދީވެސް
ޞިއްޙީމަރުކަޒުގެ ޓީމެވެ. ކެރަމް ސިންގަލްސް، ޑަބަލްސް، ޓީޓީ ޑަބަލްސް ފިރިހެން،
އަދި ޗެސް ޗެމްޕިއަންކަން ހޯދީ ފެނަކަ ޓީމެވެ. ޓީޓީ ޑަބަލްސް ފިރިހެން އަދި އަންހެން
ބަޔާއި ބެޑްމިންޓަން ސިންގަލްސް އަންހެން އަދި ފިރިހެން ޗެމްޕިއަންކަން ހޯދީ
ސްކޫލްގެ ޓީމެވެ. ބިލިޔާޑާއި ބެޑްމިންޓަންގެ އަންހެން ޑަބަލްސް ޗެމްޕިއަންކަން ހޯދީ
ތިމަރަފުށީ ކައުންސިލްގެ ޓީމެވެ.
މިކުޅިވަރުތަކުގައި ތިމަރަފުށީގެ ސަތޭކަ ސައްބީސް
ޒުވާނުން ބައިވެރިވެ ވާދަކޮށްފައިވާކަމަށް ތިމަރަފުށީ ޒުވާނުންގެ މަރުކަޒުން
މައުލޫމާތުދެއްވައެވެ.