ތިން މީހުންނާއެކު ބ.އަތޮޅުން ފުރައިގެން ކ.ތިލަފުއްޓަށް ދަތުރުކުރި "ނޫމަސް" ދޯނި ތިލަފުށި އުތުރު ނެރުކައިރިއަށް ފަރަށް އެރުމާއި ގުޅިން އެމްއެންޑީއެފުން ހަރަކާތްތެރިވާން ފަށައިފިއެވެ.
އެމްއެންޑީއެފުން ވިދާޅުވީ މިއަދު ހެނދުނު 5:46 ގައި މިހާދިސާގެ ރިޕޯޓް ލިބުމާއި ގުޅިގެން އެމްއެންޑީއެފް މާލެ އޭރިޔާ ކޯސްޓްގާޑް ސްކޮޑުގެ ޑައިވަރުން ހަރަކާތްތެރިވަމުންދާކަމަށެވެ. މިދޯނީގައި ތިބީ ދިވެއްސަކާއި ބިދޭސީ 2 މީހުންކަމަށް އެމްއެންޑީއެފުން ބުނެއެވެ.
K.Thilafushi uthuru nerukairiah farah eri "Noomas" dhoani funkurumuge masakkathugai MNDF Male' Area Coast Guard Squadron ge divarun eheetherikan foarukohdheefi. Mi dhoani funkohfaivanee dhoaneege verifaraathun hamajessi ulhandhehge eheetherikamaaeku miadhu 08:40 haairu pic.twitter.com/jicN9KdFi6
— Maldives National Defence Force (@MNDF_Official) July 21, 2020
އެމްއެންޑީއެފުން ވަނީ މިދުވަަސްވަރަކީ މޫސުން ގޯސް ދުވަސްވަރަކަށް ވުމުން ކަނޑުމަތީގެ ތަފާތު ހާދިސާތައް ހިނގަމުންދާކަމުގެ ރިޕޯޓް ލިބެމުންދާ ކަމަށް ވިދާޅުވެފައެވެ. އަދި މިފަދަ ހާދިސާތަކުގައި އުޅަދުފަހަރަށް ބޮޑެތި ގެއްލުވެ ބޭނުންނުކުރެވޭ ހިސާބަށްވެސް ދާކަން ފާހަގަކޮށްފައިވެއެވެ. މިދުވަސް ވަރު ކަނޑު ދަތުރުކުރައްވާ ފަރާތްތަކުން މޫސުމަށް ސަމާލުކަން ދެއްވައިގެން ދަތުރުކުރުމަށް އެމްއެންޑީއެފުން ވަނީ އިލްތިމާސް ކުރައްވާފައެވެ.