މާލޭ ސިޓީ--
މާލޭ ގެއެއްގެ 6 ވަނަ ފަންގިފިލާއިން މީހަކު ވެއްޓި މަރުވެއްޖެއެވެ.
ފުލުހުން ވިދާޅުވީ، މި ޙާދިސާގައި މަރުވެފައިވަނީ އުމުރުން 74 އަހަރުގެ ދިވެހި ފިރިހެނެއްކަމަށެވެ. އޭނާ ވެއްޓިފައިވަނީ ހެންވޭރުގައި ހުރި ގެއެއްގެ 6 ވަނަ ފަންގިފިލާއިން ކަމަށާއި، އޭނާ ވެއްޓިގެން ރިޕޯޓްކޮށްފައިވަނީ ރޭ ދަންވަރު 02:39 ހާއިރުކަމަށްވެސް ފުލުހުން ވިދާޅުވެއެވެ.
މި ޙާދިސާއާއި ގުޅިގެން ބަލަންޖެހޭކަންކަން ބަލަމުންދާކަމަށް ފުލުހުން ވަނީ ވިދާޅުވެފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ