ކުރިޔަށްއޮތް މޯލްޑިވްސް އޯޕަން
ރާޅާއެޅުމުގެ މުބާރާތުގެ މީޑިޔާ ޕާޓްނަރެއްގެ ގޮތުން މޯލްޑިވްސް ބޮޑީ ބޯޑިން
އެސޯސިއޭޝަނާ ޕީއެސްއެމްއާ ދެމެދު އެމްއޯޔޫއެއްގައި ސޮއިކޮށްފި.
މިއަދު ބޭއްވި ރަސްމިއްޔާތެއްގައި މި
އެއްބަސްވުމުގައި ޕީއެސްއެމްގެ ފަރާތުން ސޮއިކުރެއްވުމަށްފަހު ޕީއެސް އެމްގެ
ޑެޕިއުޓީ މެނޭޖިންގ ޑިރެކްޓަރ އައިމިނަތު ޝާޔަން ޝާހިދު ވިދާޅުވީ މިއަދު
ސޮއިކުރެވުނު މިއެއްބަސްވުމުގެ ދަށުން ކަވަރޭޖް ގެނެސްދޭއިރު މުބާރާތުގެ ތެރޭގައި
ޕީއެސްއެމްގެ މޯލްޑިއަން އައިޑަލްވެސް ޕްރޮމޯޓްކުރެވިގެންދާނެކަމަށެވެ.
ޝާޔަން ވިދާޅުވީ މީގެ އިތުރުން މިއަދު
ޕީއެސްއެމްއަށް ލައިސަންސް ލިބުނު ޗެނަލްތަކުގެ ތެރޭގައި ހިމެނޭ ސްޕޯޓްސްއަށް
ޚާއްޞަ ޗެނަލް ފެށުމުން ޒުވާނުންގެ މިފަދަ މުބާރާތްތަކަށް ޕީއެސްއެމްއިން ވަރަށްބޮޑު
އިސްކަމެއްދީ މިފަދަ މުބާރާތްކުގެ ކަވަރޭޖް ގެނެސްދޭނެކަމަށެވެ.
މި އެއްބަސްވުމުގައި މޯލްޑިވްސް ބޮޑީ ބޯޑް އެސޯސިއޭޝަނުގެ
ފަރާތުން ސޮއިކުރެއްވީ އެ އެސޯސިއޭޝަނުގެ ރައީސް އަބުދުﷲ އަރީފެވެ.