އެމް.އެން.ޑީ.އެފުން ކުރިއަށްގެންދިޔަ "ސްމޯލް ޓީމް އެކްސަޒައިޒް"ގެ ތެރެއިން / ފޮޓޯ: އެމް.އެން.ޑީ.އެފް
އެމް.އެން.ޑީ.އެފުން ކުރިއަށްގެންދިޔަ "ސްމޯލް ޓީމް އެކްސަސައިޒް 2020" ނިންމާލައިފިއެވެ.
މިމަހުގެ 16 އިން 18 ކުރިއަށްގެންދިޔަ މި އެކްސަޒައިޒް އެމް.އެން.ޑީ.އެފުން ކުރިއަށްގެންގޮސްފައި ވަނީ ހުޅުމާލޭ ދެވަނަ ފިޔަވަހީގައި މީހުން ދިރިނޫޅޭ ސަރަޙައްދުގައެވެ. އެގޮތުން މި 3 ދުވަހު، ކޮންމެ ދުވަހެއްގެ ހެނދުނު 5:30 އިން 9:00 އަށް މި ތަމްރީންތައް އެމް.އެން.ޑީ.އެފުން ވަނީ ކުރިއަށްގެންގޮސްފައެވެ.
މި ހަރަކާތުގައި ސިމިއުލޭޝަންގެ ގޮތުގައި ބްލޭންކްސް ވަޒަން އަދި ޕައިރޯޒް ބޭނުންކޮށްފައިވާކަމަށް އެމް.އެން.ޑީ.އެފުން ވަނީ ވިދާޅުވެފައެވެ. ދިވެހި ސިފައިންގެ އަސްކަރީ ޤާބިލުކަން އިތުރުކުރުމަށް ކުރިއަށްގެންދާ ތަފާތު ހަރަކާތްތަކުގެ ތެރެއިން މިމަހުގެ 12 އިން 15 އަށް ޅ. މާފިލާފުށީގައިވެސް ސިފައިންގެ އަސްކަރީ ތަމްރީންތަކެއް ކުރިއަށްގެންގޮސްފައިވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ