ރިޔަލު ދޯންޏެއްގައި އެކަނިމާއެކަނި މަހަށްފުރި ޢުމުރުން 81 އަހަރުގެ މީހާ ފެނިއްޖެއެވެ.
އެމްއެންޑީއެފުން ވިދާޅުވީ އެމީހާ ފެނިފައިވަީ ރަންނާޅީ ރިސޯޓުގެ އިރުމަތިން ދޯންޏާއެކު އޮޔާ ދަނިކޮށް މިއަދު 18:26 ހާއިރުކަމަށެވެ. ފެނުނުއިރު އޭނާގެ ޙާލު ރަނގަޅުކަމަށްވެސް އެމްއެމްޑީއެފުން ވިދާޅުވެއެވެ.
އަދި މިހާރު އެމީހާ އެމްއެންޑީއެފުގެ ކޯސްޓްގާޑްގެ ލޯންޗްގައި މާލެއަތޮޅު މާފުއްޓަށް ގެންދިއުމުގެ މަސައްކަތް ދަނީ ކުރަމުންނެވެ.
ޚަބަރެއް ނުވެގެން ހޯދަމުންދިޔައީ ކ.މާފުށީ، ޝޭޑީ ގްލޯވަރ، އަޙްމަދު އާދަމް މަނިކެވެ.
އެމްއެންޑީއެފުން ވިދާޅުވީ އެކަނިމާއެކަނި އެމީހާ މަހަށްފުރީ މިއަދު ފަތިހު 5:30ހާއިރުކަމަށެވެ. އަދި މިމީހާގެ ޚަބަރެއް ނުވެގެން ރިޕޯޓް ކޮށްފައިވަނީ މިއަދު މެންދުރު 14:08ހާއިރުކަމަށް ވެސް އެމްއެންޑީއެފުން ވިދާޅުވެއެވެ. މިމީހާ މަހަށް ފުރާފައިވަނީ 18 ފޫޓުގެ ރިޔަލު ދޯންޏެއްގައެވެ.