ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ދިރިއުޅުއްވާ ގެކޮޅު ކައިރީ އެއްޗެއް ގޮއްވާލައިފިއެވެ.
ޕީއެސްއެމް ނިއުސްއަށް މައުލޫމާތު ލިބިފައިވާގޮތުގައި މި ޙާދިސާ ހިނގާފައިވަނީ ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ދިރިއުޅުއްވާ ގެކޮޅުކަމަށްވާ ގ. ކެނެރީގެ ހިމެނޭ ސަރަހައްދު އަތަމާ ޕެލެސް ހޮޓަލް ކުރިމަތީގައެވެ. އެގޮތުން މަންޒަރު ދުށް މީހުންނާއި ހަވާލާދީ ޕީ.އެސް.އެމް ނިއުސްއަށް އެނގިފައިވާ ގޮތުގައި މިހާދިސާ ހިނގީ އެސަރަހައްދުގައި އޮތް ކާރުކޮޅަކަށް ރައީސް ނަޝީދު އަރާވަޑައިގަންނަވަނިކޮށެވެ.
ރައްޔިތުންގެ މަޖިލީހުގެ ނާއިބު ރައީސް އިވާ އަބްދުﷲ ވިދާޅުވީ ކެނެރީގޭ ކައިރީގައި އެއްޗެއް ގޮއްވާލި ހާދިސާގައި ރައީސް ނަޝީދަށް އަނިޔާތަކެއް ލިބިވަޑައިގެންނެވިކަމަށެވެ. އަދި އޭޑީކޭ ހޮސްޕިޓަލުގައި ރައީސް ނަޝީދަށް ފަރުވާދެމުންދާކަމަށް އީވާ ވިދާޅުވިއެވެ.
Following an explosion near his residence, Speaker of Parliament President Mohamed Nasheed has sustained injuries and is currently receiving treatment at ADK Hospital.
— Eva Abdulla ?❓ (@evattey) May 6, 2021
We will keep the public informed on President Nasheed’s condition as we receive updates.
ޕީއެސްއެމް ނިއުސްއަށް މައުލޫމާތު ލިބިފައިވާ ގޮތުގައި ކެނެރީގޭ ހުރި ސަރަޙައްދުގައި ހުރި ސައިކަލެއްގައި އެއްޗެއް ގޮއްވާލި ހާދިސާގައި އިތުރު ބަޔަކަށްވެސް ވަނީ އަނިޔާވެފައެވެ. އަދި އެ ސަރަޙައްދުގައި ކަމާބެހޭ ފަރާތްތަކުން މިހާރު އަންނަނީ ހަރަކާތްތެރިވަމުންނެވެ.
ފުލުހުން ވިދާޅުވީ މިހާދިސާ ހިނގައިގެން އުޅޭ ސަރަޙައްދަށް އާއްމުން ޖަމާނުވުމަށް އިލްތިމާސްކުރައްވާކަމަށެވެ.