ހަރުކަށި ފިކުރު ފެތުރުމުގައި އިސްކޮށް ހަރަކާތްތެރިވާކަމުގެ ތުޙުމަތުގައި ރޭ ހައްޔަރުކުރި މީހާގެ ބަންދަށް 15 ދުވަސް ޖަހައިފިއެވެ.
ހަރުކަށި ފިކުރު ފެތުރުމުގަައި އިސްކޮށް ހަރަކާތްތެރިވާކަމުގެ ތުހުމަތުގައި މާލެއިން ރޭ ހައްޔަރު ކޮށްފައިވަނީ 49 އަހަރުގެ ދިވެހި ފިރިހެނެކެވެ. ނަމަވެސް މި މީހާއާއި ގުޅޭ އިތުރު ތަފްޞީލެއް ފުލުހުން ހާމަކުރައްވާފައެއްނުވެއެވެ.
ސަލާމަތީ ބާރުތަކުން އައްޑޫ ސިޓީގައި ޓެރަރިޒަމްއާއި ދެކޮޅަށް ހިންގި ހަރާކާތެއްގައިވެސް މި މަހުގެ 15 ވަނަދުވަހު ވަނީ 7 މީހަކު ހައްޔަރުކޮށްފައެވެ. މި މީހުންނާއި ގުޅޭ އެއްވެސް މަޢުލޫމާތެއް އަދި ފުލުހުން ހާމައެއް ނުކުރައްވައެވެ.
އެނގިފައިވާ ގޮތުގައި ހަރުކަށި ފިކުރު ފަތުރާތީ ރޭ މާލެއިން ހައްޔަރުކޮށްފައިވަނީ 2007 ވަނަ އަހަރު އއ ހިމަންދޫގައި ހިންގި ހަމަނުޖެހުންތަކުގައި ހައްޔަރުކޮށް ޖަލަށްލީ އަބްދުﷲ އަލީ މަނިކެވެ. އެނާވަނީ ހިމަންދޫ މައްސަލާގައި ކުށްސާބިތުވެ 10 އަހަރަށް ޖަލަށްލާފައެވެ. އެހެންނަމަވެސް 2 ފަހަރެއްގެ މަތިން އޭނާ ވަނީ ޖަލުން ފިލާފައެވެ.
ޖަލުން ފިލައިގެން އުޅެނިކޮށް އޭނާ ހައްޔަރުކުރީ ގދ. ތިނަދޫގައި އުޅެނިކޮށެވެ. އެ ރަށުން ހައްޔަރުކޮށްގެން މާލެ ގެންނަނިކޮށް ބޯޓުން ކަނޑަން ފުންމާލައިގެން ފިލަން އޭނާވަނީ މަސައްކަތްކޮށްފައެވެ. އަދި އޭގެ ފަހުން ޖަލުގައި ހުއްޓާ އަނެއްކާވެސް ވަނީ ޖަލުން ފިލާފައެވެ. އެފަހަރު އޭނާ ހައްޔަރުކުރީ ސިފަ ބަދަލުކޮށްގެން ތިލަފުށީގައި އުޅެމުންދަނިކޮށެވެ.
ހަރުކަށިފިކުރު ފެތުރުމުގަައި އިސްކޮށް ހަރަކާތްތެރިވާކަމުގެ ތުހުމަތުގައި މާލެއިން ރޭ ހައްޔަރު ކުރި 49 އަހަރުގެ މީހާގެ ބަންދަށް 15 ދުވަސް ކޯޓުން މިއަދު ވަނީ ދީފައި
— Maldives Police (@PoliceMv) May 19, 2021
ސަލާމަތީ ބާރުތަކުން އައްޑޫ ސިޓީގައި ޓެރަރިޒަމްއާއި ދެކޮޅަށް ހިންގި ހަރާކާތެއްގައިވެސް މި މަހުގެ 15 ވަނަދުވަހު ވަނީ 7 މީހަކު ހައްޔަރުކޮށްފައެވެ. މި މީހުންގެވެސް މައުލޫމާތެއް އަދި ފުލުހުން ހާމައެއް ނުކުރައްވައެވެ.
މިމަހުގެ 6 ވަނަދުވަހުގެ ރޭ އެއްޗެއް ނުރައްކާތެރި އެއްޗެއް ގޮއްވާލާ ބަޔަކުވަނީ ރައްޔިތުން މަޖިލީހުގެ ރައީސް، ރައީސް މުހައްމަދު ނަޝީދު އަވަހާރަކޮށްލަން މަސައްކަތްކޮށްފައެވެ. މި ހަމަލާގައި އެމަނިކުފާނަށް ބޮޑެތި ސީރިއަސް ޒަހަމްތަކެއް ލިބިވަޑައިގެން ގިނަ ސާޖަރީތަކެއް ވަނީ ހަދާފައެވެ. ރައީސް ނަޝީދަށް ހަމަލާދިނުމަށް ބޭނުންކުރި ބޮން ހަދާފައިވަނީ ގިނަ އަދަދެއްގެ ރޭޒާފުކާއި އެހެނިހެން ގެއްލުންދޭ ތަކެތި ހިމަނައިގެންކަމުން މި ބޮން ގޮއްވާލުމާއި އެކު މިތަކެތިވަނީ ރައީސް ނަޝީދުގެ ހަށިކޮޅުގެ ތެރެއަށް ވަދެފައެވެ. މިތަކެތި ނެގުމަށް ޑޮކްޓަރުންގެ ޓީމުންވަނީ 16 ގަޑިރުވަންދެން ސީރިއަސް އޮޕަރޭޝަންތަކެއް ކޮށްފައެވެ.
މި ހަމަލާއަށް ފަހު ސަލާމަތީ ބާރުތަކުން އަންނަނީ ބާރުތަކުން ގެންދަނީ ހަތިޔާރާއެކު ރާއްޖޭގެ އެކި ސަރަހައްދުތަކުގައި ހަރަކާތްތެރިވަމުންނެވެ. އަދި އެލާޓް ލެވެލްވެސް ވަނީ މަތިކޮށްފައެވެ.
ރައީސް ނަޝީދަށް ހަމަލާދިން މައްސަލާގައި މިހާތަނަށް 3 މީހަކު ވަނީ ހައްޔަރުކޮށްފައެވެ. އަދި މި މީހުންގެ ބަންދަށް ކޯޓުން ވަނީ 15 ދުވަސް ޖަހާދީފައެވެ. މި މައްސަލާގައި ހައްޔަރުކުރި މީހުންގެ ތެރޭގައި ބޮން ގޮއްވާލުމުގައި އަމަލީ ގޮތުން ހަރަކާތްތެރިވި މީހާއާއި ބޮން ހަރުކޮށް ގޮއްވާލި ސައިކަލްގެ ވެރިފަރާތް ހިމެނެއެވެ.