ލެޓިން އެމެރިކާގެ އެންމެ ބޮޑު އިޤްޠިޞާދު އޮތް ޤައުމުކަމަށްވާ ބްރެޒިލްގައި މިއަހަރުގެ ފުރަތަމަ ކުއާޓަރުގައި ވަޒީފާނެތް މީހުން ނިސްބަތް 14.7 އިންސައްތައަށް އަރައިފިއެވެ.
ބްރެޒިލްއަކީ ކޯވިޑްގެ ބަލިމަޑުކަން އެންމެ ބޮޑަށް ފެތުރުނު އެއް ޤައުމެވެ. ކޮންމެ 100000 މީހުންގެ ތެރެއިން 215 މީހުން ވަނީ މަރުވެފައެވެ. މީގެ ސަބަބުން އެޤައުމުގެ އިޤްޠިޞާދު މިދިޔަ އަހަރުވަނީ 4.1 އިންސައްތައަށް ދަށްވެފައެވެ.
ކޯވިޑްގެ ޙާލަތު ރަނގަޅުވާ ކަމުގެ ނިޝާންތައް ފެންނަން ފަށާފައިވީނަމަވެސް ވެކްސިން ދިނުމުގައި ލަސްތަކެއް ހުރުމުގެ ސަބަބުން އަނެއްކާވެސް ކޭސްތައް އިތުރުވެދާނެކަމުގެ ބިރު އޮތީ ހީވެފައެވެ. 212 މިލިއަން މީހުންގެ އާބާދީއެއް އޮންނަ ބްރެޒިލްގެ 21 އިންސައްތަ މީހުން ވަނީ ކޮރޯވައިރަސް ވެކްސިންގެ ފުރަތަމަ ޑޯޒް ޖަހާފައެވެ. އަދި 10 އިންސައްތަ މީހުން ވަނީ ދެ ޑޯޒް ޖަހާފައެވެ.
މިދިޔަ އަހަރުވެސް ވަޒީފާތައް އިތުރުކޮށްފައިވަނީ ހަމައެކަނި ދަނޑުވެރިކަމުގެ ސިނާއަތުންނެވެ. މިއީ ބަލިމަޑުކަމުގެ ސަބަބުން ވާ ކަމެއްކަމާއި ކޮންމެ ދާއިރާއަކުންވެސް ވަޒީފާތައް ވަނީ މަދުކޮށްފައިކަމަށް މާހިރުން ވިދާޅުވެއެވެ. ވަޒީފާނެތް މީހުންގެ ނިސްބަތް ބްރެޒިލްގައި ބަލަންފެށީ 2012 ވަނަ އަހަރުއެވެ. ކޯވިޑްގެ ފުރަތަމަ ރާޅާއެކު މިދިޔަ އަހަރު ޖުލައި އިން ސެޕްޓެމްބަރަށް ވަޒީފާނެތް މީހުންގެ ނިސްބަތް ވަނީ 14.6 އިންސައްތައިގައެވެ.
މިކަން ޖެހިޖެހިގެން 4 މަސްދުވަހު ތަކުރާރުވުމަށްފަހު އަނެއްކާވެސް ނޮވެމްބަރު މަހު ވަނީ މަތިވެފައެވެ. އަދި ފުރަތަމަ ކުއާޓަރުގައި މަސައްކަތް ހޯދުން ހުއްޓާލާފައިވާ މީހުންނާއި އެކަށީގެންވާ ވަޒީފާއެއް ނެތް މީހުންގެ އަދަދުވެސް ވަނީ އިތުރުވެފައެވެ.