ދަނޑުވެރިކަމާއި މަސްވެރިކަމުގެ އުފެއްދުންތައް
އިތުރުކޮށް، މަސްވެރިކަމާއި ދަނޑުވެރިކަމުގެ ބާވަތްތަކުން ތަކެތި އުފައްދައި
އިތުރުކުރުމަށް ކުރިއަށްގެންދާ ފިޝަރީޒް އެންޑް އެގްރިކަލްޗަރ ޑައިވަރސިފިކޭޝަން
ޕްރޮގްރާމް، ފަޑިޕްގައި ބައިވެރިވާން ބޭނުންވާ ފަރާތްތަކަށް ޝައުޤުވެރިކަން
ފާޅުކުރުމުގެ ފުރުޞަތު ހުޅުވާލަައިފިއެވެ.
ފިޝަރީޒް އެންޑް އެގްރިކަލްޗަރ މިނިސްޓްރީން ވިދާޅުވީ އިންޓަރނޭޝަނަލް
ފަންޑް ފޯ އެގްރިކަލްޗަރަލް ޑިވެލޮޕްމަންޓް، އިފާޑުގެ ލޯނު އެހީގައި ކުރިއަށް ގެންދާ މިޕްރޮގްރާމްގެެ
އަމާޒަކީ ކުޑަ އާމްދަނީއެއް ލިބޭ ދަނޑުވެރިންނާއި މަސްވެރިން ގުޅިގެން އުފައްދާ
ވެލިއު ޗެއިން ކުންފުނި ނުވަތަ ކޯޕަރޭޓިވް ސޮސައިޓީތައް ތަރައްޤީކޮށް،
ދަނޑުވެރިންނަށާއި މަސްވެރިންނަށް ދެމެހެއްޓެނިވި ގޮތެއްގައި ފައިދާ
ފޯރުކޮށްދިނުމާއެކު ރަނގަޅު އަގު ލިބޭ ރިސޯޓު މާކެޓްތަކާ ގުޅުވައިދިނުން ކަމަށެވެ.
މި ޕްރޮގްރާމުގައި ބައިވެރިވުމަށް ފުރުޞަތު ދިނުމުގައި
މިހާރުވެސް މަސްވެރިކަމާއި ދަނޑުވެރިކަމުގެ އުފެއްދުންތަށް ތައްޔާރުކުރަމުންދާ
އަދި މާރކެޓްކުރުމުގެ ތަޖުރިބާހުރި އަތޮޅުތެރޭގެ ކޯޕަރޭޓިވް ސޮސައިޓީތަކަށް
އިސްކަންދެވޭނެ ކަމަށް ފިޝަރީޒް އެންޑް އެގްރިކަލްޗަރ މިނިސްޓްރީން ހާމަކުރެއެވެ.
މި ޕްރޮގްރާމުގައި ބައިވެރިވުމަށް ޝައުޤުވެރިކަން
ފާޅުކުރުމަށް ފުރާ ފޯމު އެމިނިސްޓްރީގެ ވެބްސައިޓް އަދި ރަސްމީގަޑިތަކުގައި މެރިން
ރިސަރޗް ސެންޓަރުގައި ހުންނަ އެމިނިސްޓްރީގެ ޕްރޮޖެކްޓް އިމްޕްލިމެންޓޭޝަން ޔުނިޓުން
ލިބެން ހުންނާނެ ކަމަށާއި އެކަމަށް ޝައުޤުވެރިވެލައްވާ ފަރާތްތަކުން، ފޯމު ފުރިހަމަކުރުމަށްފަހު
31 ޑިސެންބަރުގެ 14:00ގެ ކުރިން ހުށަހެޅުމަށް ފިޝަރީޒް އެންޑް އެގްރިކަލްޗަރ
މިނިސްޓްރީން އެދިވަޑައިގަންނަވައެވެ.