ޤަތަރު އެއަރވޭސްއިން ރާއްޖެއަށް ކުރާ ދަތުރުތައް އިތުރުކޮށްފިއެވެ.
އެގޮތުން ޤަތަރު އެއަރވޭސްއިން މިހާރުވަނީ ރާއްޖެއަށް ދުވާލަކު 4 ދަތުރު ކުރަން ފަށާފައެވެ.
ޤަތަރު އެއަރވޭސްއިން ރާއްޖެއަށް ކުރާ ދަތުރުތައް އިތުރުކުރުމަށް ނިންމާފައިވަނީ މިއަހަރުގެ ހޫނު މޫސުމާއި ދިމާކޮށް ރާއްޖެއަށް އަންނަ ފަތުރުވެރިން އިތުރުވާނެ ކަމަށް ލަފާކޮށްފައެވެ.
We are thrilled to announce that @qatarairways resumed its 4th service to Maldives ?? for summer ☀️??? #VisitMaldives #GoingPlacesTogether pic.twitter.com/5mvskBQWTX
— VelanaAirport (@VelanaAirport) July 8, 2021
ރާއްޖޭގެ ބޯޑަރު މިދިޔަ އަހަރުތެރޭ އަލުން ހުޅުވާލުމާއެކު ވެލާނާ އިންޓަރނޭޝަނަލް އެއަރޕޯޓަށް އެންމެ ފުރަތަމަ ޖައްސާފައިވަނީ ޤަތަރު އެއަރވޭސްގެ ފްލައިޓެކެވެ. މިއާއެކު ޤަތަރު އެއަރވޭސްއިން ވަނީ މިމަހުގެ 30 ވަނަ ދުވަހުގެ ނިޔަލަށް 974 ދަތުރުކޮށްފައެވެ. މި ދަތުރުތަކުގައި ރާއްޖެއަށް 80250 ފަސިންޖަރުން ވަނީ އުފުލާފައެވެ. މިއާއެކު ޤަތަރު އެއަރވޭސް ވެފައިވަނީ ރާއްޖެއަށް ދެވަނައަށް އެންމެ ގިނަ އަދަދަކަށް ދަތުރުތައް ކުރާ އެއަރލައިނަށްވެފައެވެ.
ޤަތަރު އެއަރވޭސްގެ ފްލައިޓްތަކާއެކު ރާއްޖެއާއި ޔޫރަޕްގެ ޤައުމުތަކާވެސް ގުޅާލަދެއެވެ. އެގޮތުން ޔޫރަަޕްގެ ގިނަ އަދަދެއްގެ ފަތުރުވެރިން ޤަތަރު އެއަރވޭސްގެ ފްލައިޓްތަކުގައި ރާއްޖެއަށް އާދެއެވެ.
ޓޫރިޒަމް މިނިސްޓްރީގެ ތަފާސް ހިސާބުތައް ދައްކާގޮތުން ރާއްޖެއަށް މިހާރު 30 އެއަރލައިނަކުން ދަނީ ދަތުރުތައް ބާއްވަމުންނެވެ. މީގެތެރޭގައި ހިމެނެނީ ޝެޑިއުލް ދަތުރުތައް ކުރާ 21 އެއަރލައިންއަކާއި، ޗާޓަރު ދަަތުރުތައް ރާއްޖެއަށް ބާއްވާ 9 އެއަރލައިންއެކެވެ.