އައްޑޫ ސިޓީން ސްނޯކްލިންގއަށް ދިޔަ ފަތުރުވެރިޔަކު މަރުވެފައިއޮތްވާ ފެނިއްޖެއެވެ.
އެމް.އެން.ޑީ.އެފުން ވިދާޅުވީ، މަރުވެފައި އޮއްވާ ފެނިފައިވަނީ ފިރިހެން ފަތުރުވެރިއެއްގެ ހަށިގަނޑުކަމަށެވެ. ނަމަވެސް އޭނާއާބެހޭ އިތުރު މަޢުލޫމާތެއް ދެއްވާފައެއްނުވެއެވެ.
އެ ފަތުރުވެރިޔާގެ ހަށިގަނޑު ފެނިފައިވަނީ އައްޑޫ ސިޓީ ގަމުގައި ހިންގަމުންދާ އައިލެންޑް ހޮޓެލް، އީކުއޭޓަރ ވިލެޖުގެ އިރުއުތުރު ފަރު ބޭރުންނެވެ. އަދި އެމް.އެން.ޑީ.އެފްގެ ސައުތާން އޭރިއާ ކޯސްޓްގާޑް ސްކޮޑްރަންގެ ޑައިވަރުން އެމީހާގެ ހަށިގަނޑު ނަގައިގެން އައްޑޫ ސިޓީ ފޭދޫއަށް މިއަދު ހަވީރު 16:36 ގެންގޮސްފައިވާކަމަށް އެމްއެންޑީއެފްއިން ވިދާޅުވެއެވެ.
އެމް.އެން.ޑީ.އެފުން ވިދާޅުވީ، މި ޙާދިސާގެ ރިޕޯޓް ލިބިފައިވަނީ މިއަދު ހަވީރު 15:30 ހާއިރުކަމަށެވެ. އަދި މި މައްސަލަ މިހާރު ފުލުހުން ދަނީ ބަލަމުންނެވެ.