ދެކުނު ކޮރެޔާގެ ބަޖެޓަށް 30 ބިލިއަން ޑޮލަރު އިތުރުކުރުމަށް އެޤައުމުގެ ޤާނޫނުހަދާ މަޖިލީހުން ފާސްކޮށްފިއެވެ.
ދެކުނު ކޮރެއާގެ މާލީ ވުޒާރާއިން ނެރުނު ބަޔާނެއްގައި ބުނެފައިވާގޮތުން މި ސަޕްލިމެންޓްރީ ބަޖެޓަކީ ކޯވިޑްގެ ބަލިމަޑުކަމުގެ ސަބަބުން ގޭގެއަށާއި ކުދި ވިޔަފާރިތަކަށް އަދި ވަޒީފާތައް އިތުރުކުރުމަށް އެކުލަވާލާފައިވާ ރިލީފް ބަޖެޓެކެވެ.
އިތުރުކޮށްފައިވާ މި ވަގުތީ ބަޖެޓަކީ އަހަރުން އަހަރަށް ކަނޑައަޅާ ބަޖެޓްގެ އިތުރުން، މިހާތަނަށް މަޖިލީހުން ފާސްކުރި އެންމެ ބޮޑު ބަޖެޓްވެސްމެއެވެ. އަދި މިއީ މިގޮތަށް ވަގުތީގޮތުން ފާސްކުރާ ދެވަނަ ބަޖެޓެވެ. މީގެކުރިން މަޖިލީހުން ވަނީ 14.9 ޓްރިލިއަން ވޮންގެ ބަޖެޓެއްވެސް މިދިޔަ މާރިޗްމަހު ފާސްކޮށްފައެވެ.
މި ބަޖެޓްގެ ދަށުން ދެކުނު ކޮރެއާގެ އާބާދީގެ 80 އިންސައްތަ މީހުންނަށް 250000 ވޮން ފައިސާގެ ގޮތުގައި ލިބޭއިރު ކުދި ވިޔަފާރިތަކަށް ރިލީފް ޕެކޭޖްތައްވެސް ލިބިގެން ދާނެއެވެ.