މިނިސްޓަރ އޮފް ހަޔަރ އެޑިއުކޭޝަން ޑރ. އިބްރާހީމް ޙަސަން ޓީޗަރސް ރަޖިސްޓްރޭޝަން ބޯޑާއި ބައްދަލުކުރައްވައިފިއެވެ.
ހަޔަރ އެޑިއުކޭޝަން މިނިސްޓްރީގައި ބޭއްވި މި ބައްދަލުވުމުގައި، މުދައްރިސުންނާއި ގުޅުންހުރި ޤަވާއިދުތައް ކާމިޔާބުކަމާއެކު ތަންފީޒުކުރުމާއި ޓީޗަރުންނަށް ލައިސަންސް ދިނުމަށް ކުރާ މަސައްކަތުގައި ކަމާގުޅޭ އިދާރާތަކުގެ މެދުގައި އެއްބާރުލުން ދިނުމުގެ މުހިންމުކަމާ މެދު މަޝްވަރާކުރެވުނުކަމަށް ހަޔަރ އެޑިއުކޭޝަން މިނިސްޓްރީން ވިދާޅުވެއެވެ.
Minister of Higher Education Dr. Ibrahim Hassan met with Teacher Registration and Licensing Board. The importance of cooperation between the concerned authorities were discussed to successfully implement teacher regulation and licensing. pic.twitter.com/GyxOl0wBdU
— Ministry of Higher Education (@MoHEmv) December 1, 2021
ޓީޗަރސް ރަޖިސްޓްރޭޝަން ބޯޑަކީ ތަޢުލީމުގެ ޤާނޫނުގެ 38 ވަނަ މާއްދާގެ ދަށުން މުދައްރިސުން ރަޖިސްޓަރީ ކުރުމާގުޅޭ އެންމެހައި ކަންކަން ކުރުމަށްޓަކައި، މިނިސްޓްރީ އޮފް އެޑިޔުކޭޝަނުގައި އުފެއްދުމަށް ޤާނޫނުގައި ބަޔާންކޮށްފައިވާ ބޯޑެކެވެ. މި ބޯޑު އެކުލަވާލާފައިވަނީ މިދިޔަ ސެޕްޓެމްބަރުމަހުގެ 9 ވަނަ ދުވަހުއެވެ. މި ބޯޑުގެ ރަޖިސްޓްރާރއަކީ މިނިސްޓަރ އޮފް ސްޓޭޓް ފޮރ އެޑިއުކޭޝަން އާޠިޔާ ނަޞީރެވެ.
މި ބޯޑުގައި ހިމެނެނީ 5 ދާއިރާއަކުން 5 މެންބަރުންނެވެ. އެއީ ބޯޑުގެ ރަޖިސްޓްރާރ ހިމެނޭހެން ތަޢުލީމީ ސިޔާސަތުގެ ދާއިރާއާއި، ކިޔަވައިދިނުމުގެ ދާއިރާއާއި، ތަޢުލީމީ މަންހަޖު އެކުލަވާލުމުގެ ދާއިރާގެ އިތުރުން ޗައިލްޑް ސައިކޮލޮޖީ ނުވަތަ އެޑިޔުކޭޝަނަލް ސައިކޮލޮޖީގެ ދާއިރާއިން ޚާއްސަ މެންބަރުންނެވެ.