މިއަހަރުގެ ފަހު ކުއާޓަރުގައި ދިރާގަށް 639 މިލިއަން ރުފިޔާގެ ޢާމްދަނީއެއް ލިބިއްޖެއެވެ. މިއީ މިދިޔަ އަހަރުގެ ތިންވަނަ ކުއާޓަރުގައި ދިރާގަށް އާމްދަނީގެ ގޮތުގައި ލިބުނު 610 މިލިއަން ރުފިޔާއާ އަޅާ ބަލާއިރު، %5 އިތުރު ޢަދަދެކެވެ.
ދިރާގުން ޢާއްމުކޮށްފައިވާ މިދިޔަ އަހަރުގެ ހަތަރުވަނަ ކުއާޓަރގެ މާލީ ރިޕޯޓުގައިވާގޮތުން އެކުއާޓަރުގައި އެކުންފުންޏަށް ފައިދާގެ ގޮތުގައި ލިބިފައިވަނީ 206 މިލިއަން ރުފިޔާއެވެ. މިއީ މިދިޔަ އަހަރުގެ ތިންވަނަ ކުއާޓަރުގއި ފައިދާގެ ގޮތުގައި ލިބުނު 191 މިލިއަން ރުފިޔާއާއި އަޅާ ބަލާއިރު، %8 އިތުރު އަދަދެކެވެ.
މިދިޔަ އަހަރުގެ ފަހު ކުއާޓަރުގައި މޯބައިލް ޚިދުމަތްތަކުން ލިބުނު ޢާމްދަނީ ވަނީ ތިންވަނަ ކުއާޓަރއާ އަޅާބަލާއިރު ވަރަށްބޮޑަށް އިތުރުވެފައެވެ. ފަހު ކުއާޓަރގައި މޯބައިލް ޚިދުމަތްތަކުން ލިބިފައިވަނީ 346 މިލިއަން ރުފިޔާއެވެ. ތިންވަނަ ކުއާޓަރގައި މި ޢަދަދު އުޅުނީ 325 މިލިއަނުގައެވެ.
ފިކްސް ބްރޯޑްބޭންގެ ޚިދުމަތުން ލިބުނު އާމްދަނީއަށްވެސްވަނީ ހަތަރުވަނަ ކުއާޓަރގައިވަނީ ކުރިއެރުން ލިބިފައެވެ. އެގޮތުން އެ ކުއާޓަރުގައި ފިކްސް ބްރޯޑްބޭންގެ ޚިދުމަތުން 275 މިލިއަން ރުފިޔާ ލިބިފައިވެއެވެ. ދެވަނަ ކުއާޓަރގައި މި އަދަދު ހުރީ 268 މިލިއަންގައެވެ.
ހަތަރުވަނަ ކުއާޓަރުގައި ޢާމްދަނީއާއި ފައިދާ އިތުރުވުމުގެ މައިގަނޑު ސަބަބަކީ ރާއްޖެއަށް އަންނަ ފަތުރުވެރިންގެ އަދަދުތައް އިތުރުވެ ރޯމިންގެ ޙިދުމަތް ނަގާ ފަރާތްތަށް އިތުުރުވުމުންކަމަށް ދިރާގުން ހާމަކުރެއެވެ.
ދިރާގުންދަނީ އެކުންފުނީގެ ޙިދުމަތްތަށް ފުޅާ ކުރުމަށް ގިނަ މަސައްކަތްތަކެއް ކުރަމުންނެވެ. އެގޮތުން މިދިޔަ އަހަރު ނިމުނު އިރު، ދިރާގުންވަނީ ހައި- ސްޕީޑު ފައިބަރ ނެޓްވޯކްގެ ޙިދުމަތް 74 ރަށަކަށް ފުޅާކޮށްފައެވެ.