2017ގެ ނިޔަލަށް ރާއްޖޭގެ ހުރިހާ އަތޮޅެއްގައި އައިސްޕްލާންޓް ޤާއިމްކޮށް ނިމޭނެކަމަށް މިނިސްޓަރ އޮފް ފިޝަރީޒް އެންޑް އެގްރިކަލްޗަރ ޑރ.މުޙައްމަދު ޝައިނީ
ވިދާޅުވެއްޖެއެވެ.
މިނިސްޓަރ
ވިދާޅުވީ މިހާރުވެސް އަށް ރަށެއްގައި އައިސްޕްލާންޓް ބެހެއްޓުމުގެ މަސައްކަތް ކުރައްވަމުންދާ
ކަމަށެވެ. އަދި މަސްވެރިކަމުގެ ވިޔަފާރި ކުރިއެރުވުމަށް އައިސްޕްލާންޓްތައް ވަރަށް
މުހިއްމު ރޯލެއް އަދާކުރާ ކަމަށާއި މަހުގެ ކޮލިޓީ ރަނގަޅުކޮށް މަސްވެރިން ބާނާ
މަހަށް ރަނގަޅު އަގެއް ލިބޭނީ އައިސް ބޭނުން ކޮށްގެންކަން މިނިސްޓަރ
ފާހަގަކުރެއްވިއެވެ.
އައިސްޕްލާންޓް
ބެހެއްޓުމުގެ މަސައްކަތް މިހާރު ކުރިއަށްދާ ހަތް ރަށަކީ، ނ. ޅޮހީ، ބ. ތުޅާދޫ، ރ.
އަލިފުށި، ތ. ހިރިލަންދޫ، ގއ. ކޮލަމާފުށީ ގއ ދެއްވަދޫގެ އަދި ގއ. ދާންދޫއެވެ. މި
އައިސް ޕްލާންޓްތަކުގެ އިތުރުން ފުވައްމުލަކުގައި ވެސް އައިސްޕްލާންޓެއް
ޤާއިމްކުރުމުގެ މަސައްކަތް ދަނީ ކުރިއަށެވެ.
މިފްކޯއާއި
ހަވާލްކޮށްގެން ޤާއިމްކުރާ މި އައިސްޕްލާންޓްތަކަކީ ދައުލަތުގެ ބަޖެޓުން ޚަރަދުކުރައްވައިގެން
ޤާއިމްކުރާ އައިސްޕްލާންޓްތަކެކެވެ.