ޔޫރަޕްގެ މަލްޓިނޭޝަނަލް އެއިރޯ ސްޕޭސް ކުންފުނި، އެއާބަސް އިން A220 ގެ އިތުރު ޖެޓްތަކެއް ޑެލްޓާއަށް ވިއްކާލަން ނިންމައިފިއެވެ.
މި ޖެޓްތައް ވިއްކާލުމަށް ވެވޭ އެއްބަސްވުމުގައި ސޮއިކުރުން އޮންނާނީ އަންނަ ހަފްތާގައި އެމެރިކާގައި އޮންނަ އެއާޝޯގެ ހަފްލާގެ ތެރޭގައެވެ. މީގެއިތުރުން 737 މެކްސް ބްރޭންޑް އެއާލައިންގެ ޖެޓް ގަންނަ އެއްބަސްވުމެއްގައިވެސް ވަރަށް އަވަހަށް ޑެލްޓާއިން ސޮއިކުރާނެއެވެ.
މިކަމާއިގުޅޭގޮތުން އެއާބަސް އިން އަދި ވަކި އެއްޗެއް ބުނަން ބޭނުންނުވާކަމަށް ބުނެފައިވާއިރު، ޑެލްޓާއިންވެސް އަދި ވަކި އެއްޗެއް ހާމަކޮށްފައެއްނުވެއެވެ.
ޖޫންމަހުގެ ނިޔަލަށްހުރި ހިސާބުތަކަށްބަލާއިރު ކެނެޑާގެ ޑިޒައިނެއްކަމަށްވާ A220 ގެ 95 ޖެޓް ޑެލްޓާއިން އޯޑަރުކޮށްފައިވެއެވެ. އެހެންނަމަވެސް މިހާތަނަށް އެ އެއާލައިނަށް ލިބުނީ 56 ޖެޓެވެ.
މީގެއިތުރުން 737 މެކްސް 10 މޮޑެލްގެ 100 ޖެޓު ގަތުމާއިބެހޭގޮތުންވެސް ޑެލްޓާއާއި ބޮއެންގް އިން މާޗް މަހު ވަނީ ވާހަކަތައް ދައްކާފައެވެ. އަދި މިކަމާއިބެހޭގޮތުން ބޮއެންގާއިއެކު އެއްބަސްވުމަކަށް އައުމަށް މަސައްކަތްކުރަމުންދާކަމަށް ޑެލްޓާއިން ބުނެއެވެ.