ޕެސްޓިސައިޑްސް ހުންނަން ޖެހޭ މިންވަރަށްވުރެ އިތުރަށް ހުރުމުގެ ސަބަބުން ތަޢައްޔަރުވެފައިވާތީ ޔޫރޯ ބްރޭންޑްގެ ތޯމަސް ސީޑްލެސް މޭބިސްކަދުރު ވިއްކުން މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ)އިން މަނާކޮށްފިއެވެ.
އެމްއެފްޑީއޭއިން ނެރުނު ނޫސްބަޔާނެއްގައި ވިދާޅުވީ ޔޫރޯ ބްރޭންޑްގެ ތޯމަސް ސީޑްލެސް މޭބިސްކަދުރުގައި ހުންނަން ޖެހޭވަރަށްވުރެ އިތުރަށް ޕެސްޓިސައިޑްސް ހުރިކަމުގެ މަޢުލޫމާތުތައް ޔޫރަޕްގެ ރެޕިޑް އެލާޓް ސިސްޓަމް ފޮރ ފުޑް އެންޑް ފީޑް އިން އެ އޮތޯރިޓީގެ ސަމާލުކަމަށް ގެނެސްފައިވާކަމަށެވެ. އަދި މި އުފެއްދުން އެކްސްޕޯޓް ކޮށްފައިވަނީ އިންޑިއާގެ 'ޔޫރޯ ފްރުޓްސް ޕްރައިވެޓް ލިމިޓެޑް'އިން ކަމަށާއި މި އުފެއްދުން ހޯލްސޭލްކޮށްފައިވަނީ ނެދަލެންޑްސްގެ ކުންފުންޏެއް ކަމުގައިވާ 'ގްލޯބަލް ގްރީން ޓީމް'އިން ކަމަށްވެސް އެ އޮތޯރިޓީން ވިދާލުވެއެވެ.
އެފްއެފްޑީއޭއިން ވަނީ ރައްކާތެރިކަމުގެ ފިޔަވަޅެއްގެ ގޮތުން 'ޔޫރޯ ފްރުޓްސް' ބްރޭންޑްގެ "ތޮމްސަން ސީޑްލެސް ގްރޭޕްސް" ނުވިއްކުމަށް އިލްތިމާސްކޮށްފައެވެ.