މިނިވަން ދުވަހުގެ މުނާސަބަތުގައި ސަރުކާރު ބަންދުވާނީ ކުރިންވެސް ހަމަޖައްސައިފައިވާގޮތަށް މިމަހުގެ 28 ވާ އަންނަ ބުރާސްފަތި ދުވަސް ކަމަށް ރައީސުލްޖުމްހޫރިއްޔާގެ އޮފީހުން ވިދާޅުވެއްޖެއެވެ.
ރައީސް އޮފީހުން ވިދާޅުވީ، މި އަހަރުގެ މިނިވަންދުވަހާ ގުޅިގެން، ކުރިންވެސް ހަމަޖައްސާފައިވާގޮތުގެ މަތިން ސަރުކާރު ބަންދުވާނީ ޖުލައި މަހުގެ 28 ވާ ބުރާސްފަތި ދުވަހުކަމަށެވެ. އަދި ޖުލައި މަހުގެ 24 ވަނަ ދުވަހާއި 25 ވަނަ ދުވަހު ސަރުކާރު ބަންދުކުރާގޮތަށް ހަމަޖެހިފައެއް ނުވެއެވެ.
ޖުލައި މަހުގެ 28 ބަންދު ދުވަހެއްގެގޮތުގައި ކަނޑައެޅުމުން މިނިވަން ދުވަހާއި ގުޅިގެން އަންނަ ހަފްތާގެ ހުކުރު ހޮނިހިރު ހިމެނޭހެން ބަންދު ދުވަހުގެ ގޮތުގައި 5 ދުވަސް ލިބޭނެއެވެ. މިނިވަންދުވަހާ ގުޅިގެން 26 ޖުލައި ވާ އަންގާރަ ދުވަހުން ފެށިގެން ސަރުކާރު ބަންދުވުމަށްފަހު އޮފީސްތައް ދެން ހުޅުވޭނީ ޖުލައި މަހުގެ 31 ވާ އާދީއްތަ ދުވަހުކަމަށްވެސް ރައީސް އޮފީހުން ވިދާޅުވެއެވެ.