ހުޅުމާލޭ ފޭސް އެކެއްގެ ގެއެއްގެ ބަދިގޭގައި އުދާފައި ހުރި ތެއްޔެއްގައި ރޯވި އަލިފާން އެމް.އެން.ޑީ.އެފް ހުޅުލޭ ފަޔަރ ސްޓޭޝަންގެ ސިފައިން ނިއްވާލައިފިއެވެ.
މި ހާދިސާގެ މަޢުލޫމާތު އެމްއެންޑީފް ފަޔަރ އެންޑް ރެސްކިޔު ސަރވިސްއަށް ލިބިފައިވަނީ މިއަދު މެންދުރުފަހު 14:09 ހާއިރެވެ. އަދި އެކަން ރިޕޯޓްކުރުމާއެކު އެމް.އެން.ޑީ.އެފް ހުޅުލޭ ފަޔަރ ސްޓޭޝަންގެ ފަޔަމަނުން ހަރަކާތްތެރިވެ، ބަދިގޭގައި އުދާފައި ހުރި ތެލީގައި ރޯވި އަލިފާން މިއަދު 14:21 ހާއިރު ވަނީ ނިއްވާލާފައެވެ. މި ޙާދިސާގައި ބަދިގޭ ކަނބަޑު ސެޓާއި ހިފާގެންގުޅޭ ތަކެއްޗަށް އެކި ވަރުގެ ގެއްލުން ލިބިފައިވެއެވެ.
އެމް.އެން.ޑީ.އެފުން ވިދާޅުވީ، މި ހާދިސާގައި އެއްވެސް މީހަކަށް އަނިޔާއެއް ލިބިފައިނުވާކަމަށެވެ. މި ހާދިސާއާއި ގުޅިގެން އެ ގޭގައި ދިިިރިއުޅޭ އާއިލާއަށް ބޭނުންވާ އެހީ ތެރިކަން ފޯރުކޮށްދިނުމުގެ މަސައްކަތްކުރަމުންދާކަމަށް ނޭޝެނަލް ޑިސާސްޓަަރ މެނޭޖްމަންޓް އޮތޯރިޓީ، އެން.ޑީ.އެމް.އޭއިން ހާމަކުރައްވާފައިވެއެވެ.