އެމެރިކާގެ ގަވާއިދާއި ހިލާފަށް ޗައިނާއަށް ސެންސިޓިވް ޓެކްނޮލޮޖީ ފޮނުވަން އުޅުނު ކަމުގެ ތުހުމަތުގައި ބެލްޖިއަމްގެ ކުންފުންޏަކާއި އެ ކުންފުނީގެ ވެރިފަރާތުގެ އެކްސްޕޯޓް ކުރުމުގެ އިމްތިޔާޒުތައް 180 ދުވަހަށް ސަސްޕެންޑްކޮށްފައިވާކަމަށް އެމެރިކާގެ ކޮމާސް ޑިޕާޓްމަންޓުން ބުނެފިއެވެ.
ހަންސް ޑި ގީޓޭރޭ އާއި ބެލްޖިއަމްގައި ހުންނަ ހަސާ-އިންވެސްޓުން މެޝިން ވައިބަރޭޝަން އާއި ސެއިސްމިކް އެކްޓިވިޓީ ފަދަ ކަންކަން ވަޒަންކުރާ އެކްސެލަރޯމީޓަރު ޗައިނާގައި ތިބި ކްލައިންޓުންގެ ފަރާތުން އެމެރިކާގެ ކުންފުންޏަކުން ގަނެފައި ނުވަތަ ގަންނަން މަސައްކަތްކުރި ކަމަށް އެ ޑިޕާޓްމަންޓުން ބުނެފައިވެއެވެ.
އެކްސެލަރޯމީޓަރުގެ ބައެއް އޯޑަރުތައް ދީފައިވަނީ ވޮޝިންޓަންގެ އެކްސްޕޯޓް ކޮންޓްރޯލް ލިސްޓުގައި ހިމެނޭ ބެއިޖިންގެ ޖައްވީ ޕްރޮގްރާމްގެ ކޮންޓްރެކްޓަރެއް ކަމަށްވާ ޗައިނާ އެއަރޮސްޕޭސް ސައިންސް އެންޑް ޓެކްނޮލޮޖީ ކޯޕަރޭޝަންގެ ފަރާތުންކަމަށް ކޮމާސް ޑިޕާޓްމަންޓުން ބުނެއެވެ. މިކަމުގައި ޑި ގީޓޭ އާއި ހަސާ-އިންވެސްޓުގެ ފަރާތުން އެއްވެސް އެއްޗެއް ބުނެފައެއް ނުވެއެވެ.
2021 ވަނަ އަހަރުގެ އޭޕްރީލް މަހުގެ ތެރޭގައި، އެކްސެލެރޯމީޓަރުތައް ގަންނަނީ ބެލްޖިއަމްގެ ސަރުކާރުގެ އިދާރާއަކަށްކަމަށް ހަސާ-އިންވެސްޓުން ބުނެފައިވާކަމަށް އެމެރިކާގެ ކޮމާސް ޑިޕާޓްމަންޓުން ބުނެއެވެ.