3 ސްކޫލަކަށް ބޭނުންވާ މަލްޓިޕަރޕަސް ހޯލް ޢިމާރާތްކުރުމަށް 3 ކުންފުންޏަކާ ޙަވާލުކޮށްފިއެވެ.
ސްކޫލްތަކަށް ދިމާވެފައިވާ ޖާގައިގެ ދަތިކަން ހައްލުކުރުމުގެ މަސައްކަތުގެ ދަށުން މަލްޓިޕަރޕަސް ހޯލް ޢިމާރަތްކުރުމަށް ހަމަޖެހިފައިވަނީ ބ.ތުޅާދޫ ސްކޫލްގައާއި އދ.އަތޮޅު މަދަރުސާގެ އިތުރުން ވ.އަތޮޅު މަދަރުސާގައެވެ.
ބ.ތުޅާދޫ ސްކޫލްގައި މަލްޓިިޕަރޕަސް ހޯލް އިމާރާތުގެ މަސައްކަތް ކުރުމަަށް ހަވާލުކޮށްފައިވަނީ ބަދަހި އިންވެސްޓްމަންޓް ޕްރައިވެޓް ލިމިޓެޑްއާއެވެ. މި މަޝްރޫޢުއަކީ 2021 ވަނަ އަހަރުގެ ޕީއެސްއައިޕީގެ ދަށުން ކުރިއަށްގެންދާ މަޝްރޫޢުއެކެވެ. މި މަޝްރޫޢުއަށް 12 މިލިޔަނަށްވުރެ ގިނަ ރުފިޔާ ޚަރަދުވާއިރު 1 އަހަރުދުވަހުގެ ތެރޭގައި މަސައްކަތް ނިންމަންޖެހެއެވެ.
އދ.އަތޮޅު މަދަރުސާގެ 7 ކްލާސްރޫމްއާއި އޭވީ ރޫމް އަދި މަލްޓިޕަރޕަސް ހޯލް އިމާރާތްކުރުމަށް
ހަވާލުކޮށްފައިވަނީ ޔެސް މޯލްޑިވސް ޕްރައިވެޓް ލިމިޓެޑާއެވެ. 2021 ވަނަ އަހަރުގެ ޕީއެސްއައިޕީ މަޝްރޫއުގެ ދަށުން ކުރިއަށްގެންދާ މި މަޝްރޫޢުއަށް 18 މިލިޔަނަށްވުރެ ގިނަ ރުފިޔާ ޚަރަދުވެއެވެ. މި މަސައްކަތްވެސް 1 އަހަރުދުވަހުގެ ތެރޭގައި ނިންމަންޖެހެއެވެ.
އދ.އަތޮޅު މަދަރުސާގެ 7 ކްލާސްރޫމް، އޭވީ ރޫމް އަދި މަލްޓިޕަރޕަސް ހޯލް އިމާރާތުގެ މަސައްކަތް ހަވާލުކުރުމުގެ ކޮންޓްރެކްޓްގައި ސޮއިކުރުން. މި މަސައްކަތް ހަވާލުކުރީ 365 ދުވަސް ތެރޭގައި ނިންމާގޮތަށް، 18,996,432.01ރ އަށް، ޔެސް މޯލްޑިވްސް ޕްރައިވެޓް ލިމިޓެޑާ. pic.twitter.com/IzqsrPbARg
— Ministry of Education (@MoEdumv) September 8, 2022
އެޑިއުކޭޝަން މިނިސްޓްރީން ދެން މަލްޓިޕަރޕަސް ހޯލް އިމާރާތް ކުރުމަށް ހަވާލުކޮށްފައިވާ ވ.އަތޮޅު މަދަރުސާގެ މަލްޓިޕަރޕަސް ހޯލް އިމާރާތްކުރާނީ ކޭ އެންޑް އެފް ހޯލްޑިންގްސް ޕްރައިވެޓް ލިމިޓެޑްއެވެ. 1 އަހަރުދުވަހުގެ ތެރޭ މި މަސައްކަތް ނިންމަން ޖެހޭއިރު މި މަސައްކަތަށް 9 މިލިޔަނަށްވުރެ ގިނަ ރުފިޔާ ޚަރަދުވެއެވެ.
އެޑިއުކޭޝަން މިނިސްޓްރީން އަންނަނީ ރަށްރަށުގެ ސްކޫލްތަކަށް ދިމާވެފައިވާ ޖާގައިގެ ދަތިކަން ހައްލުކޮށްދެއްވުމަށް ގިނަ މަސައްކަތްތަކެއް ކުރަމުންނެވެ. އެގޮތުން މިވަގުތުވެސް ސްކޫލުތަކުގައި އައު ކްލާސްރޫމް އިމާރާތްތަކާއި، އޮފީސް އިމާރާތާއި، މަލްޓި-ޕަރޕަސް ހޯލްތައް ތަރައްޤީކުރުމުގެ އެތައް މަޝްރޫޢެއް އެކި ސަރަޙައްދުތަކުގައި ދަނީ ކުރަމުންނެވެ.