ޤަވާއިދާ ޚިލާފަށް ރާއްޖޭގެ ކަނޑުގެ ސަރަޙައްދުން މަސްވެރިކަން ކުރަމުންދިޔަ 3 މަސް ބޯޓެއް އެމް.އެން.ޑީ.އެފް ކޯސްޓްގާޑުގެ ބެލުމުގެދަށަށް ގެނެސްފިއެވެ.
ބެލުމުގެ ދަށަށް ގެނެސްފައިވަނީ ސްރީލަންކާގެ 3 މަސްބޯޓެކެވެ. އެމް.އެން.ޑީ.އެފުން މިކަމާއި ގުޅޭ އިތުރު ތަފްޞީލެއް އަދި ހާމަކޮށްފައެއް ނުވެއެވެ.
ދިވެހިރާއްޖޭގެ ކަނޑުގެ ސަރަޙައްދުގައި ޤަވާއިދާ ޚިލާފަށް މަސްވެރިކަން ކުރަމުންދިޔަ ސްރީލަންކާގެ 3 މަސްބޯޓެއް އެމްއެންޑީއެފް ކޯސްޓްގާޑުގެ ބެލުމުގެދަށަށް ގެނެސްފި. pic.twitter.com/BHRB5USWHK
— Maldives National Defence Force (@MNDF_Official) December 3, 2022
ރާއްޖޭގެ ކަނޑުގެ ސަރަޙައްދުން ޤަވާއިދާ ޚިލާފަށް މަސްވެރިކަން ކުރަމުންދިޔަ ލަންކާ 3 ބޯޓެއް، އެމް.އެން.ޑީއެފުން ހިފަހައްޓާފައިވާއިރު، މިދިޔަ މަހުގެ 20 ވަނަ ދުވަހުވެސް ވަނީ ރާއްޖޭގެ ކަނޑުގެ ސަރަޙައްދުގައި ޤަވާއިދާ ޚިލާފަށް މަސްވެރިކަން ކުރަމުންދިޔަ ބޭރުގެ މަސް ބޯޓެއް ކޯސްޓްގާޑުގެ ބެލުމުގެ ދަށަށް ގެނެސްފައެވެ. އަދި މިދިޔަ ސެމްޓެމްބަރުމަހުގެ ތެރޭގައިވެސް ބޯޓެއް އަތުލައިގަނެފައިވެއެވެ.
ބޭރުގެ މަސްބޯޓުތައް ޤަވާޢިދާ ޚިލާފަށް ރާއްޖޭގެ އިޤްތިޞާދީ ސަރަހައްދުން މަސްވެރިކަންކުރާ މައްސަލައަކީ ދޭތެރެދޭތެރެއިން ފާހަގަ ކުރެވޭކަމެކެއެވެ. އަދި މިފަދަ ބޯޓުތައް އަތުލައިގަތުމުގައި ދިވެހި މަސްވެރިންނާއި މަސްވެރި އުޅަނދުތަކުން ވަރަށް ބޮޑު އެއްބާރުލުންތަކެއް ދެމުންއަންނަކަން ކޯސްޓްގާޑުން ފާހަގަކުރައްވަފައެވެ.