މަތިންދާ ބޯޓު އުފައްދާ އެމެރިކާގެ ކުންފުނި ބޮއެންގް އިން ނޮވެމްބަރުމަހު ބޯޓު ޑެލިވަރީ ކުރި މިންވަރު އިތުރުވެއްޖެކަމަށް ބޮއެންގއިން ބުނެފިއެވެ.
ނޮވެމްބަރުމަހު ބޮއެންގއިން 48 ބޯޓު ޑެލިވަރީ ކުރިއެވެ. ޑެލިވަރީ ކުރި މިންވަރު އިތުރުވިނަމަވެސް އާ އޯޑަރުތައް ވަނީ މަދުވެފައެވެ. އެގޮތުން އަލަށް ލިބުނު އޯޑަރުގެ އަދަދަކީ 21 އެވެ.
އެ ކުންފުނިން އޮކްޓޯބަރުމަހު ޑެލިވަރީކުރީ އެންމެ 35 މަތިންދާބޯޓެވެ. ބޮއިންގް ކޮމާޝަލް އެއާޕްލޭންސްގެ ވެރިޔާ ސްޓެން ޑީލް މިދިޔަމަހު ވިދާޅުވި ގޮތުގައި އޮކްޓޯބަރު މަހު 737 މެކްސްގެ ޑެލިވަރީ ދަށްވުމަކީ އެ ކުންފުނީގެ ކޮލިޓީ މެނޭޖްމަންޓް ސިސްޓަމްގެ މައްސަލައަކާއި ޑެލިވަރީ ލަސްވުމުގެ ނަތީޖާކަމަށެވެ.
މިކަމުގެ ސަބަބުން ބޮއިންގްއަށް ޕްރޮޑަކްޝަން އަދި ކޮލިޓީގެ މައްސަލަތަކެއް ދިމާވެ، 787 ބޯޓު ޑެލިވަރީ ކުރުން 15 މަސް ދުވަހަށް ހުއްޓާލަން މަޖުބޫރުވިއެވެ.
ނޮވެމްބަރުމަހުގެ އޯޑަރުތައް ދަށްވެފައި ވަނީ އޮކްޓޯބަރުމަހު ބޮއިންއިން 122 އައު އޯޑަރު ބުކް ކުރުމުން ކަމަށާއި އޭގެ ތެރޭގައި މެކްސް މަރުކާގެ މަތިންދާބޯޓާއި، ޑްރީމްލައިނަރ ހިމެނެއެވެ.