ވިލިމާލެއިން ދެ މީހުންނާއެކު ފުރި ތެޔޮ ބޯޓެއް ގެއްލިގެން ހޯދަން ފަށައިފިއެވެ.
މި ތެޔޮ ބޯޓުގެ ހަބަރެއް ނުވެގެން ހޯދަމުންދާއިރު، އެ ވޯޓުގައި ތިބީ ގދ. ތިނަދޫ / މަނާރު، އުމުރުން 45 އަހަރުގެ މުޙައްމަދު ނިޡާމްއާއި ބަންގްލަދޭޝް ރައްޔިތެއް ކަމުގައިވާ އުމުރުން 35 އަހަރުގެ މޮހައްމަދު ލިޓަން ނަމަކަށް ކިޔާ މީހެއްކަމަށް ފުލުހުން ވިދާޅުވެއެވެ.
ފުލުހުން ބުނީ އެމީހުން ފުރާފައި ވަނީ މި މަހުގެ 28 ވަނަ ދުވަހުގެ ރޭ ކަމަށާއި، އެމީހުންގެ ހަބަރެއް ނުވެގެން މިމަހުގެ 29 ވަނަ ދުވަހު އެކަން ރިޕޯޓު ކުރުމުން އެ މީހުން ހޯދުމުގެ މަސައްކަތް ކުރަމުންދާ ކަމަށެވެ.
މުޙައްމަދު ނިޡާމް އަދި މޮހައްމަދު ލިޓަންއާ ގުޅޭ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން 3322111 އަށް ނުވަތަ ސީރިއަސް އެންޑް އޯގަނައިޒްޑް ކްރައިމް ޑިޕާޓްމަންޓުގެ 9911099 އަށް ގުޅާ އެކަން ހިއްސާކުރުމަށް ފުލުހުން ވަނީ އެދިފައެވެ.