ޢާންމު ހިއްސާދާރުންގެ ފަރާތުން ބޭންކް އޮފް މޯލްޑިވްސް، ބީއެމްއެލްގެ ބޯޑަށް ހޮވާ 3 ޑައިރެކްޓަރުންގެ މަޤާމަށް ކުރިމަތިލުމުގެ ފުރުސަތު ހުޅުވާލައިފިއެވެ.
ބީއެމްއެލްގެ ޑިރެކްޓަރުންގެ ބޯޑަށް ކުރިމަތިލެވޭނީ އުމުރުން 30 އަހަރާއި 70 އަހަރާ ދެމެދުގެ މީހުންނަށެވެ. މިމަޤާމަތް ކުރިމަތިލާ މީހުންގެ ގިނަ ޝަރުޠުތަކެއް ހުންނަން ޖެހެއެވެ. އެގޮތުން ރާއްޖޭގެ މާލީ އިދާރާތަކުގެ ޤަވާއިދުތަކުގެ ތެރެއިން ކަނޑައެޅިފައިވާ ޝަރުތުތަކާއި ބީއެމްއެލްއިން ކަނަޑައަޅާފައިވާ ޝަރުތުތައްވެސް ފުރިހަމަވާން ޖެހެއެވެ.
މިމަޤާމަށް ކުރިމަތިލާ މީހުންގެ ކިބައިގައި އެމްއެމްއޭގެ ފުރެޑެންޝަލް ރެގިއުލޭންޝަންގެ "ފިޓް އެންޑް ޕްރޮޕަރ ރިކުއަރމެންޓްސް"ގެ މިންގަނޑުތަކާއި ޝަރުތުތައް ހަމަވާން ޖެހޭނެއެވެ. މީގެ އިތުރުން ބީއެމްއެލްގެ ޑިރެކްޓަރުންގެ ޤަވާޢިދުގައިވާ ޝަރުތުތައްވެސް ފުރިހަމަވާން ޖެހޭނެކަމަށް އެބޭންކުން ވިދާޅުވެއެވެ. މީގެ އިތުރުން ސީއެމްޑީއޭގެ ޤަވާއިދުތަކުގެ ތެރެއިން، ފުރިހަމަވާންޖެހޭ ޝަރުޠުތައް ހަމަވާން ޖެހޭނެއެވެ.
ބޭންކް އޮފް މޯލްޑިވްސް ޑިރެކްޓަރުންގެ ބޯޑުގައި ސަރުކާރުން ޢައްޔަން ކުރައްވާ 8 މެންބަރުންނާއި، ޢާންމު ހިއްސާދާރުންގެ ފަރާތުން އައްޔަން ކުރާ 3 މެންބަރުން ހިމެނެއެވެ. ބޭންކުގެ ޑިރެކްޓަރުން ބޯޑު ހޮވާނީ ބީއެމްއެލްގެ އަހަރީ ޖަލްސާގައެވެ.
މިމަޤާމަށް ކުރިމަތިލާ ފަރާތްތަކުން މާރިޗުމަހުގެ 1 ވަނަ ދުވަހުގެ 14:00ގެ ކުރިން ލިޔެކިއުންތައް ބޭންކަށް އީމެއިލް މެދުވެރިކޮށް ނޫނީ ހެޑްއޮފީހުގެ ހަވަނަ ފަންގިފިލާއަށް ހުށަހެޅުމަށް ބީއެމްއެލްއިން އެދެއެވެ.