ރާއްޖޭގެ ޚާރިޖީ ވަޒީރު ޢަބްދުالله ޝާހިދު، އެމެރިކާގެ އެޖެންސީ ފޮރ އިންޓަރނޭޝަނަލް ޑިވެލޮޕްމަންޓް (ޔޫ.އެސް.އޭ.އައި.ޑީ)ގެ އެޑްމިނިސްޓްރޭޓަރ ސަމަންތާ ޕަވަރއާ ބައްދަލުކުރައްވައިފިއެވެ.
ޔޫ.އެސް.އޭ.އައި.ޑީ.ގެ އެޑްމިނިސްޓްރޭޓަރ ސަމަންތާ ޕަވަރ އާއެކު ބޭއްވުނު ބައްދަލުވުމުގައި، ޔޫ.އެސް.އޭ.އައި.ޑީގެ ޕޯޓްފޯލިއޯގެ ދަށުން ތަރައްޤީގެ އެހީގެ ޕްރޮގްރާމްތައް ހިންގެވުމުގައި އެކަމަނާ ކުރައްވަމުން ގެންދަވާ މަސައްކަތްޕުޅުތަކަށް މިނިސްޓަރ ޝާހިދު ވަނީ ޝުކުރު އަދާކުރައްވާފައެވެ. އަދި ކުރިއަށް އޮތް ތަނުގައި ޔޫ.އެސް.އޭ.އައި.ޑީގެ ޕްރޮގްރާމްތައް އިތުރަށް ފުޅާވެގެން ދާނެކަމަށް އުއްމީދުކުރައްވާކަމަށް މިނިސްޓަރ ވިދާޅުވިއެވެ.
Had a productive meeting with USAID Administrator @PowerUSAID.
— Abdulla Shahid (@abdulla_shahid) June 15, 2023
Expressed gratitude for her leadership in strengthening the dynamic USAID Maldives portfolio. The multi-faceted programs by USAID Maldives have far-reaching positive impacts. Looking forward to the expansion of USAID… pic.twitter.com/NSgcCf69Pd
މި ބައްދަލުކުރެއްވުމުގައި މިނިސްޓަރ ޝާހިދާއި އެޑްމިނިސްޓްރޭޓަރ ޕަވަރ ވަނީ ރާއްޖޭގެ ޑިމޮކްރެޓިކް ގަވަރނަންސް ހަރުދަނާކުރުމާއި، ޕަބްލިކް ފައިނޭންޝަލް މެނޭޖްމަންޓް ކުރިއެރުވުމާއި، ރާއްޖޭގެ ނާޒުކު ކަނޑުތަކުގެ ދިރުންތައް ޙިމާޔަތްކުރުމުގެ މަޤްޞަދުގައި ކުރިއަށްގެންދާ ޔޫއެސްއެއިޑް ޕްރޮގްރާމްތަކާ ބެހޭގޮތުން މަޝްވަރާކުރައްވާފައެވެ.
މި ބައްދަލުކުރެއްވުމުގައި މިނިސްޓަރު ޝާހިދުގެ އަރިހުގައި ރާއްޖެއިން އެމެރިކާއަށް ކަނޑައަޅުއްވާފައި ހުންނަވާ ސަފީރު އަބްދުލްޣަފޫރު މުހައްމަދާއި ޗީފް އޮފް ޕްރޮޓޮކޯލް އަހުމަދު ޝިއާން ބައިވެރިވެވަޑައިގެންނެވިއެވެ.