މިނިވަންދުވަހާއި މި ބަންދުގައިވެސް ސުޕްރީމް ކޯޓް ހުޅުވާނެ

މިނިވަންދުވަހާއި އެދުވަހާއި ގުޅިގެން އަންނަ ބަންދުގައިވެސް ސުޕްރީމްް ކޯޓު ހުޅުވާ މައްސަލަތައް ބަލައިގަންނަމުން ދާނެކަމަށް އެކޯޓުން ހާމަކުރައްވައިފިއެވެ.

ސުޕްރީމްކޯޓުން ވިދާޅުވީ މިނިވަންދުވަހާއި ގުޅިގެން މި ހަފްތާގައި އަންނަ ބަންދުގައިވެސް އެކޯޓުން ވަކި ވަގުތުތަކެއްގައި މައްސަލަތައް ބަލައިގަންނަމުންް ގެންދަވާނެކަމަށެވެ. އަދި ހަފްތާގެ ހުކުރާއި ހޮނިހިރުގައިވެސް ކޯޓް ހުޅުވާފައި ހުންނާނެކަމަށް ސުޕްރީމްކޯޓުން ވިދާޅުވެއެވެ.

ބަންދުގައި ކޯޓް ހުޅުވިފައި ހުންނަ ވަގުތުތައް

: ޖުލައި 26 - ހެނދުނު 9 އިން 10 އަށް، އަދި މެންދުރުފަހު 1 އިން 2 އަށް
: ޖުލައި 27 - ހެނދުނު 9 އިން 10 އަށް، އަދި މެންދުރުފަހު 1 އިން 2 އަށް
: ޖުލައި 28 - މެންދުރުފަހު 2:30 އިން 3:30 އަށް
: ޖުލައި 29 - ހެނދުނު 9 އިން 10 އަށް، އަދި މެންދުރުފަހު 1 އިން 2 އަށް

އަންނަ މަހުގެ 9ވަނަ ދުވަހު ބާއްވާ ރިޔާސީ އިންތިޚާބަށް ކުރިމަތިލުމުގެ ފުރުސަތު ހުޅުވާލާފައިވާއިރު ރިޔާސީ ރޭހުގައި ވާދަކުރައްވާ ކެނޑިޑޭޓެއްގެ ޝަރުތާއި މެދު ހިލާފު އުފޭދޭ މައްސަލަތަކާއި ރިޔާސީ އިންތިޚާބާއި ގުޅޭ އެހެން މައްސަލަތައްވެސް ބެލުމުގެ ބާރު ލިބިފައިވަނީ ސުޕްރީމްކޯޓަށެވެ.

ރިޔާސީ އިންތިޚާބުގައި ވާދަކުރުމަށް ނަން ހުށައެޅުމުގެ ފުރުސަތު އިލެކްޝަންސް ކޮމިޝަނުން ހުޅުވާލީ މިމަހުގެ 23 ވަނަދުވަހުއެވެ. އެފުރުސަތު ހަމަވާނީ އަންނަމަހުގެ 7 ވަނަދުވަހުއެވެ.