އިންތިޚާބީ ރައީސް ޑރ.މުހައްމަދު މުއިއްޒުއަށް ޗައިނާގެ ރައީސް މަރުހަބާ ވިދާޅުވެއްޖެ

އިންތިޚާބީ ރައީސް ޑރ. މުޙައްމަދު މުއިއްޒަށް ޗައިނާގެ ރައީސް ޝީ ޖިންޕިން މަރުހަބާ ވިދާޅުވެއްޖެއެވެ.

މުއިއްޒަށް މަރުހަބާ ވިދާޅުވެ ޗައިނާގެ ރައީސް ކުރެއްވި ޓުވިޓުގައިވަނީ ޗައިނާއާއި ރާއްޖެއަކީ ހަމައެކަނި އެކުވެރި 2 ޤައުމު ނޫންކަމަށެވެ. މިދެޤައުމަކީވެސް އެއްގައުމު އަނެއްގައުމަށް އިތުބާރުކުރާ، އެހީތެރިވެދޭ 2 ޤައުމުކަމަށެވެ. އެގޮތުން ރާއްޖޭގެ ތަރައްޤީގައި ޗައިނާއަކީ މުހިންމު ބައިވެރިއެއްކަން ވަނީ ފާހަގަކުރައްވާފައެވެ.

H. E. Xi Jinping, President of China sent a congratulation message to H.E. Mohamed Muizzu, President-elect of the Maldives, extending warm congratulations & good wishes to him. pic.twitter.com/qoWX7iOLLN

— Ambassador Wang Lixin (@China_Amb_Mdv) October 3, 2023

ޗައިނާގެ ރައީސް ޝީ ޖިންޕިން ވިދާޅުވީ، ޗައިނާއާއި ރާއްޖޭގެ ގުޅުން ވަރުގަދަކޮށް ދެމެހެއްޓުމަށް އަބަދުވެސް މަސައްކަތް ކުރައްވާނެކަމަށެވެ. އަދި މިގުޅުން އިތުރަށް ދަމަހައްޓައި ކުރިއަރުވައި ތަރައްޤީގެ ބައިވެރިއެއްގެ ގޮތުގައި މަސައްކަތްކުރުމަށް ޗައިނާއިން ތައްޔާރަށް އޮތްކަމަށް ޝީ ވަނީ ވިދާޅުވެފައެވެ.

ޑރ.މުހައްމދު މުއިއްޒު އިންތިޚާބު ކާމިޔާބު ކުރެއްވުމާއި ގުޅިގެން ރާއްޖެއިން ބޭރުގެ ގިނަ ޤައުމުތަކުގެ އިސްވެރިން އަންނަނީ އެމަނިކުފާނަށް މަރުހަބާ ވިދާޅުވަމުންނެވެ.