ފައިޞަލްގެ ފުރަތަމަ ދަތުރުފުޅު ހައްދުންމައްޗަށް، ހޯއްދެވީ ލޯކަލް ޓޫރިޒަމް ފައްކާކުރާނެ މަގުތައް!

ހައްދުންމަތީގައި ލޯކަލް ޓޫރިޒމް ފުޅާކުރުމަށް ޚާއްޞަ އިސްކަމެއް ދެއްވާނެކަމަށާއި، ވީހާވެސް އަވަހަށް ލޯކަލް ޓޫރިޒަމް ފުޅާކުރުމަށް ކުރެވޭނެ ކަންކަން ދެނެގަނެފައިވާކަމަށް ފަތުރުވެރިކަމާ ބެހޭ ވަޒީރު އިބްރާހީމް ފައިޞަލް ވިދާޅުވެއްޖެއެވެ. ވަޒީރު މިހެން ވިދާޅުިވީ، ހައްދުންމަތީގެ ހުރިހާ ރަށަކަށް ކުރެއްވި ދަތުރުފުޅަށްފަހު ޕީއެސްއެމް ނިއުސްއަށް ދެއްވި އިންޓަރވިއުއެއްގައެވެ.

ފަތުރުވެރިކަމާ ބެހޭ ވަޒީރު އިބްރާހީމް ފައިޞަލް ވިދާޅުވީ ހައްދުންމައްޗަށް ކުރެއްވި ދަތުރުފުޅުގެ މައިގަނޑު މަޤްސަދަކީ ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވެވަޑައިގެންފައިވާ ވަޢުދުފުޅު ފަދައިން ރައްޔިތުންގެ ހުރި ކަންބޮޑުވުންތައް ގާތުން އަޑުއައްސެވުންކަމަށެވެ. އެގޮތުންލ.އަތޮޅުގެ ހުރިހާ ކައުންސިލްތަކާއި ބައްދަލުކޮށް މުހިންމު މަޝްވަރާތަކެއް ކުރެއްވިކަން ވަޒީރު ފާހަގަކުރެއްވިއެވެ.

Just had a productive discussion with the L. Mundoo Council, brainstorming ways to boost local tourism. I'm thrilled about our collaboration and confident that the joint efforts will drive the progress we're all striving for. pic.twitter.com/52f2pigsdu

— Ibrahim Faisal (@ifaisalofficial) December 23, 2023

ކައުންސިލަތަކާއި ބައްދަލުކޮށް މަޝްވަރާކުރެއްވި އެންމެ މުހިންމު އެއްކަމަކީ ރަށްރަށުގައި ލޯކަލް ޓޫރިޒަމް ކުރިއަރުވައި ޑައިވަރސިފައި ނުވަތަ ސިންދަފާތު ކުރުމަށް ކުރިއަށް ދެވޭނެ ގޮތްތަކާއި ގުޅޭގޮތުންކަމަށް ވަޒީރު ވިދާޅުވިއެވެ. އަދި ކައުންސިލްތަކަށް އެކަމުގައި ހުރި ދަތިތަކާއި ބެހޭގޮތުން މަޝްވަރާކުރެވުނު ކަމަށްވެސް ވަޒީރު ވިދާޅުވިއެވެ.

"ބައެއް ކައުންސިލްތަކުގައި ލޭންޑް ޔޫސް ޕްލޭން ހެދުމާއި މިކަމުގައި އެބަހުރި މާލީ ގޮތުން ކުރިއަށް ގެންދިއުމުގައި ދަތިތަކެއް. އެހެންވެ އަޅުގަނޑުމެން ކައުންސިލްތަކާއި މަޝްވަރާކޮށް ޓޫރިޒަމް މިނިސްޓްރީގެ ފަރާތުން ކޮބާތޯ އެކައުންސިލްތަކަށް އެކަން އަވަސްކޮށް ބާރު ސްޕީޑެއްގައި ކުރިއަށް ގެންދިއުމުގައި ކޮށްދެވޭނެ މަސައްކަތްތަކީ ކޮބައިކަމާމެދު މަޝްވަރާކުރެވުނު." ފަތުރުވެރިކަމާ ބެހޭ ވަޒީރު އިބްރާހީމް ފައިސަލް ވިދާޅުވިއެވެ.

Day 3 on Laamu tour, had the pleasure to visit Isdhoo; an island with a rich heritage and great potential for local tourism.

Council shared their plans and concerns including preservation of key tourist attractions and their vision for overall tourism development of the region. pic.twitter.com/Ao1M5GYb11

— Ibrahim Faisal (@ifaisalofficial) December 23, 2023

ފައިސަލް ވިދާޅުވީ ޓޫރިޒަމް ކުރިއެރުވުމަށް ކައުންސިލްތަކުގައި ހުރި ދަތިތައްވެސް ވަރަށް ބޮޑަށް އެނގިވަޑައިގެންނެވިކަމަށެވެ. އަދި އެ ދަތިތައް ޙައްލުކޮށް އެ ދާއިރާފުޅާކުރުމަށް އިސްކަންދެއްވާނެކަމަށްވެސް ވަޒީރު ވިދާޅުވިއެވެ. ލޯކަލް ޓޫރިޒަމް ކުރިއެރުވުމަށް ހައްދުންމަތި އޮތީ ވަރަށް ބޮޑަށް ތައްޔާރަށްކަމަށް ވަޒީރު ވިދާޅުވިއެވެ. އެގޮތުން ކައުންސިލްތަކާއި މަޝްވަރާކޮށް ލޯކަލް ޓޫރިޒަމް ކުރިއަށް ގެންދިއުމުގައި ހުރި ފުރުސަތުތަކާއި އަވަހަށް މަސައްކަތް ފަށައިގަނެވޭނެ ގޮތްތަކާއި ބެހޭހޮތުން ވާހަކަ ދެކެވުނުކަމަށް ވަޒީރު ވިދާޅުވިއެވެ.

ފަތުރުވެރިކަމާ ބެހޭ ވަޒީރުގެ މިދަތުރުފުޅުގައި ފެނަކަ ކޯޕަރޭޝަންގެ ޑެޕިއުޓީ މެނޭޖިންގ ޑިރެކްޓަރު ހުސައިން ޒުހުރީވެސް ބައިވެރިވެވަޑައިގަތެވެ. އޭނާ ވިދާޅުވީ ފެނަކައިން ދޭ ޚިދުމަތްތައް ރަނގަޅުކުރުމަށް ސަރުކާރުން މަސައްކަތް ކުރައްވާނެކަމަށެވެ.

Started the day with a site visit to L. Baresdhoo, assessing its current state. In line with our #Hafthaa14 pledges, we're dedicated to identifying and overcoming challenges in operationalizing distressed islands. pic.twitter.com/IYbTZV0L9S

— Ibrahim Faisal (@ifaisalofficial) December 23, 2023

"ކަންބޮޑުވުންތަކާއި ހުއްޓިފައި ހުރި ޕްރޮޖެޓްގެ ވާހަކަ އެބޭފުޅުން ހިއްސާކުރި. އެބޭފުޅުންގެ އެކްސްޕެކްޓޭޝަންތައް މިހާރު އަޅުގަނޑުމެނަށް އެނގިއްޖެ. މި ދަތުރަކީ ވަރަށް މުހިންމު ދަތުރެއް. އިރާދަކުރެއްވިއްޔާ ޚިދުމަތް ދިނުމުގައި ފުރިހަމަ ކަމެއް ލިބިގެންދާނެ ކުރިއަށް އޮތްތަނުގައި ފެނަކައިގެ ފަރާތުން." ފެނަކަ ޑެޕިއުޓީ މެނޭޖިންގ ޑިރެކްޓަރު ހުސައިން ޒުހުރީ ވިދާޅުވިއެވެ.

ލ އަތޮޅުގެ ރަށްތަކަށް ކުރެއްވި ދަތުރުތަކުގައި ކައުންސިލްތަކާއެކު މަޝްވަރާކުރެވުނު ކަންކަމުގެ އަމަލީ މަސައްކަތް ވީހާވެސް އަވަހަކަށް ފެށުމަށް މަސައްކަތްކުރާނެކަމަށް ފަތުރުވެރިކަމާ ބެހޭ ވުޒާރާއިން ވިދާޅުވިއެވެ.

L. Maamendhoo, third stop today on the Laamu tour in line with President @MMuizzu’s efforts to knit stronger ties between government, local councils, and communities.

Key pressing issues were discussed, focusing specifically on the local tourism needs of the community. pic.twitter.com/87Eu54tHYU

— Ibrahim Faisal (@ifaisalofficial) December 22, 2023

ވަޒީރުގެ މިދަތުރުފުޅުގައި މޯލްޑިވްސް އިންޓްގްރޭޓެޑް ޓޫރިޒަމް ޑިވެލޮޕްމަންޓް ކޯޕަރޭޝަން، އެމްއައިޓީޑީސީގެ މެނޭޖިންގ ޑިރެކްޓަރު ޙައްވާ ޝިއުނާ ޚާލިދުވެސް ބައިވެރިވެވަޑައިގަތެވެ. ވަޒީރު އަދި އެމްއައިޓީޑީސީގެ އެމްޑީ ވަނީ އެމްއައިޓީޑީސީން ހައްދުންމަތީގައި ހިންގާ ބަރެސްދޫ މަޝްރޫޢު ކުރިއަށްދާގޮތްވެސް ބައްލަވާލައްވާފައެވެ. ނަމަވެސް އިތުރު ތަފްސީލު ނުދެއްވައެވެ.

ބަރެސްދޫ ތަރައްޤީކުރަނީ ރިސޯޓްތަކުން ފެށިގެން ބީޗް ހޮޓާފަދަ ތަފާތު ހޮސްޕިޓާލިޓީގެ ޚިދުމަތްތައް ލިބިގެންދާނެ ފަދަ މޮޑަލަކަށެވެ.