މިހާތަނަށް އެވްރެޖްކޮށް ދުވާލަކު 5000 އަށްވުރެ ގިނަ ފަތުރުވެރިން ރާއްޖެ އައިސްފައިވޭ

މިއަހަރުގެ މިހާތަނަށް ރާއްޖެއަށް އެވްރެޖްކޮށް ދުވާލެއްގެ މައްޗަށް 5000 އަށްވުރެ ގިނަ ފަތުރުވެރިން އައިސްފައިވާކަމަށް ފަތުރުވެރިކަމާބެހޭ ވުޒާރާގެ ތަފާސްހިސާބުތަކުން ދައްކައިފިއެވެ.

އެ ވުޒާރާގެ ތަފާސްހިސާބުތައް ދައްކާގޮތުން މިއަހަރުގެ މިހާތަނަށް ފަތުރުވެރިކަމުން ވަނީ %10.2 ކުރިއެރުމެއް ހޯދާފައެވެ.

ފަތުރުވެރިކަމާ ބެހޭ ވުޒާރާގެ ތަފާސްހިސާބުތައް ދައްކާގޮތުން ޖަނަވަރީ 1 އިން ފެށިގެން ސެޕްޓެމްބަރ މަހުގެ 7 ވަނަ ދުވަހުގެ ނިޔަލަށް ރާއްޖެއަށް 1.38 މިލިޔަން ފަތުރުވެރިން ވަނީ އައިސްފައެވެ. މިއީ މިދިޔަ އަހަރުގެ މި މުއްދަތާއި އަޅާބަލާއިރު %10.2 ކުރިއެރުމެކެވެ.

ވަކިވަކި މަސްމަހު ރާއްޖެއަށް ފަތުރުވެރިން އައި އަދަދަށް ބަލާއިރު:

• ޖަނަވަރީ: 192،385 ފަތުރުވެރިން
• ފެބްރުއަރީ: 217،392 ފަތުރުވެރިން
• މާރޗު: 194،227 ފަތުރުވެރިން
• އޭޕްރީލް: 168،366 ފަތުރުވެރިން
• މެއި: 119،875 ފަތުރުވެރިން
• ޖޫން: 123،284 ފަތުރުވެރިން
• ޖުލައި: 167،528 ފަތުރުވެރިން
• އޮގަސްޓް: 176،151 ފަތުރުވެރިން
• ސެޕްޓެމްބަރ 7 ގެ ނިޔަލަށް: 27،322 ފަތުރުވެރިން

ރާއްޖެއަށް އެންމެ ގިނައިން ފަތުރުވެރިން އައި 5 ޤައުމު:

• ޗައިނާ: 202،613 ފަތުރުވެރިން
• ރަޝިއާ: 149،920 ފަތުރުވެރިން
• އިނގިރޭސިވިލާތް: 119،189 ފަތުރުވެރިން
• އިޓަލީވިލާތް: 102،412 ފަތުރުވެރިން
• ޖަރުމަނުވިލާތް: 97،804 ފަތުރުވެރިން

ފަތުރުވެރިކަމާ ބެހޭ ވުޒާރާގެ ތަފާސްހިސާބުތައް ދައްކާގޮތުން ރާއްޖޭގައި މިވަގުތު ފަތުރުވެރިންނަށް ޚިދުމަތް ދިނުމަށް 1222 ތަނެއް ވަނީ ހުޅުވާފައެވެ. މިއާއެކު ފަތުރުވެރިންނަށް ޚިދުމަތް ދިނުމަށް ހުރި އެނދުގެ އަދަދު ވަނީ 62،756 އަކަށް އަރާފައެވެ.