ސޫރިޔާގެ ރައީސް ބައްޝާރު އަލް-އަސަދުގެ ވެރިކަން ވެއްޓުނު ދަނޑިވަޅާ ދިމާކޮށް ޔަހޫދީ އިސްތިޢުމާރީ ފައުޖުން ސޫރިޔާގެ ވެރިރަށް ދިމިޝްޤަށް ބޮން އަޅައިފިއެވެ.
ފާއިތުވި ދުވަސްތަކުގެ ތެރޭގައި ޔަހޫދީ އިސްތިޢުމާރީ ފައުޖުން ވަނީ ސޫރިޔާގެ އެކި ސަރަޙައްދުތަކަށް ވަރުގަދަ ޙަމަލާތަކެއް ދީފައެވެ. ނަމަވެސް ލުބުނާނުގެ ޙިޒްބުﷲއާ ދެމެދު ބަދަލުކުރަމުންދިޔަ ޙަމަލާތައް 14 މަސްދުވަހަށް ފަހު ހުއްޓާލުމަށް ފަހު ސޫރިޔާއަށް ޔަހޫދީ އިސްތިޢުމާރީ ފައުޖުން ދެމުންދިޔަ ޙަމަލާތައް ވަނީ މަދުވެފައެވެ.
ސޫރިޔާގެ ވެރިކަން ވެއްޓުނު ދަނޑިވަޅާ ދިމާކޮށް ޔަހޫދީ އިސްތިޢުމާރީ ފައުޖުން ދިން ޙަމަލާތައް ދިމިޝްޤުގެ އިތުރުން އެ ޤައުމުގެ ދެކުނުގައި އޮންނަ ޚަލްޚަލާ އަސްކަރީ ވައިގެ ބަނދަރާއި އުތުރުގައި އޮންނަ ސުވައިދާ ސިޓީގެ މައި އަސްކަރީ މަރުކަޒަށް ޢަމާޒުކުރިއެވެ.
އިތުބާރުހުރި މަސްދަރުތަކުން ބުނެފައިވާ ގޮތުގައި ޔަހޫދީ އިސްތިޢުމާރީ ފައުޖުގެ ޙަމަލާތައް ޢަމާޒުކޮށްފައި ވަނީ ސޫރިޔާގެ އަސްކަރިއްޔާއިން ދޫކޮށްލާފައި މިސައިލުތަކާއި ރޮކެޓުތައް ހަނގުރާމަވެރި ޖަމާޢަތެއްގެ އަތްދަށަށް ދިޔުމުގެ ކުރިން ނައްތާލުމަށެވެ.