ޚަބަރު
ބަނގުރަލުގެ ވިޔަފާރިކުރާކަމަށް ތުހުމަތުކުރެވޭ މީހަކު ފުލުހުންގެ ބެލުމުގެ ދަށަށް!
-
ފުލުހުންގެ ބެލުމުގެ ދަށަށް ގެނައީ، ގދ. ގައްދޫ، ރެޑްމާގެ، އުމުރުން 33 އަހަރުގެ މުޙައްމަދު އަޒްހަމް ސައީދު
އިންޓެލިޖެންސަށް ލިބުނު މައުލޫމާތަކާއި ގުޅިގެން ހިންގި އޮޕަރޭޝަނެއްގައި ބަނގުރަލުގެ ވިޔަފާރިކުރާކަމަށް ތުހުމަތުކުރެވޭ މީހަކު ފުލުހުންގެ ބެލުމުގެ ދަށަށް ގެންގޮސްފިއެވެ.
ފުލުހުން ވިދާޅުވީ މާލޭގައި ހިންގި މި އޮޕަރޭޝަނުގައި ފުލުހުންގެ ބެލުމުގެ ދަށަށް ގެނައީ، ގދ. ގައްދޫ، ރެޑްމާގެ، އުމުރުން 33 އަހަރުގެ މުޙައްމަދު އަޒްހަމް ސައީދު ކަމަށެވެ. އަދި މަޖީދީމަގުން އޭނާ ހުއްޓުވައި ބަލައި ފާސްކުރިއިރު، އޭނާ ދުއްވި ސައިކަލުން 3 ފުޅި ބަނގުރާ ފެނުނުކަމަށްވެސް ފުލުހުން ވިދާޅުވިއެވެ.
ފުލުހުން ވިދާޅުވީ މި މައްސަލަަ އިތުރަށް ތަހުގީގުކުރަމުން އަންނަކަމަށެވެ.
އައު އަހަރާ ދިމާކޮށް، ބަނގުރަލާއި މަސްތުވާތަކެތީގެ މައްސަލަތައް އިތުރުވެގެންދާނެކަމަށް ބެލެވޭތީ ފުލުހުން ވަނީޚާއްސަ އޮޕަރޭޝަނެއް މިދިޔަ ހަފުތާގައި ފަށާފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ