އަހަރުގެ ފުރަތަމަ ހަފްތާ: އިޤްތިޞާދު ސިންދަފާތުކުރުމުގެ މުހިއްމު މަސައްކަތްތަކެއް ކުރެވުނު!

އައު އަހަރު ފެށިގެން ދިޔައިރު، އަހަރުގެ ފުރަތަމަ ހަފްތާ ފެށިފައިވަނީ ވަރަށް ކުލަގަދަކޮށެވެ. އެގޮތުން އެމްއެމްޕީއާރްސީގެ ފަރާތުން އަހަރުގެ ފެށުން ކުލަގަދަކޮށް ފާހަގަކޮށްފައިވަނީ ޑްރޯން ޝޯއަކާއި އެކުއެވެ. އަހަރު ފެށިފައިވަނީ އެކި ދައިރާތަކުން ފާހަގަކޮށްލެވޭ މުހިންމު މަސައްކަތްތަކާއެކުގައެވެ.

ސިޔާސީ ދާއިރާ

އައު އަހަރު ފެށިގެން ދިޔައިރު ސިޔާސީ ދާއިރާއިން މިހަފްތާގެ އެންމެ ބޮޑަށް ފާހަގަކޮށްލެވެނީ ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ދަތުރުފުޅުތަކެވެ. އެގޮތުން އެމަނިކުފާނު ކައުންސިލްތަކާއި ރައްޔިތުންނާއި ބައްދަލުކުރެއްވުމަށް ކުރައްވާ ދަތުރުފުޅުތަކުގެ އަހަރު ފެށުމާއެކު ފަށްޓަވާފައިރު އަހަރު ފެށިގެން މިހާތަނަށް 10 ރަށަކަށް ވަނީ ވަޑައިގެންފައެވެ. މިދަތުފުޅުގައި އެމަނިކުފާނު ކ. ގުޅިއަށް އާދީއްތަ ދުވަހު ވަޑައިގެންނެވިއިރު، ތިން ދުވަހުގެ ދަތުރުފުޅެއްގައި ހުވަދުއަތޮޅު ދެކުނުބުރީގެ 5 ރަށަކަށާއި، އެއަތޮޅު އުތުރުބުރީގެ 4 ރަށަކަށް ރައީސުލްޖުމްހޫރިއްޔާ ވަޑައިގެންފައިވެއެވެ.

މި ރަށްތަކުގެ ރައްޔިތުންނާއި ކައުންސިލްތަކާއި ބައްދަލުކުރައްވާ، އެމަނިކުފާނު ވަޢުދުވެވަޑައިގެންފައިވާ ގޮތަށް މަސައްކަތް ކުރައްވާނެ ކަމުގެ ޔަޤީންކަން ރައީސުލްޖުމްހޫރީއްޔާ ދެއްވިއެވެ. އަދި މަސްވެރިކަމުގެ ވަޢުދުތައް ފުއްދަވާ ރައްޔިތުންގެ ކަންބޮޑުވުންތަކުގެ ހައްލުކޮށްދެއްވާނެ ކަމުގެ ޔަޤީންކަން ރައީސުލްޖުމްހޫރިއްޔާ ވަނީ ދެއްވާފައެވެ.

އިޤްތީޞާދީ ދައިރާ

އައު އަހަރު ފެށުމާއެކު އިޤްތިޞާދީ ދައިރާއިން ރާއްޖެ މިވަނީ އައު ހަރުފަތެއް ގިރާކޮށްފައެވެ. އެގޮތުން އަހަރު ފެށިގެން ދިޔައީ ރާއްޖެ-ޗައިނާ މިނިވަން ވިޔަފާރީގެ އެއްބަސްވުމަށް ޢަމަލުކުރަން ފެށުމާއެކުގައެވެ. މި އެއްބަސްވުމަކީ ރައްޖޭއިން ބޭރުކުރާ މަހަށް ޑިއުޓީ މަޢާފްކޮށް، ރާއްޖެ އެތެރެކުރާ މުދަލަށް ޑިއުޓީ މަޢާފުވެގެންދާ އެއްބަސްވުމެކެވެ. މިއީ ރާއްޖެއިން ޢަމަލުކުރަން ފެށި ފުރަތަމަ އަދި ތަރީޙީ އެއްބަސްވުމެކެވެ. އަދި މިކަމުގެ ފައިދާ ރާއްޖޭގެ އިޤްތިޞާދަށް ކުރާނެ ކަމަށް ސަރުކާރުން ޤަބޫލުކުރައްވައެވެ.

އެފްޓީއޭއާއިއެކު، ރައީސުލްޖުމްހޫރިއްޔާ ޑރ. މުހައްމަދު މުޢިއްޒުގެ ވަޢުދުފުޅާއި އެއްގޮތަށް ޤައުމީ އެއަރލައިންގެ ފުރަތަމަ ވައިޑް ބޮޑީ ވަނީ ރާއްޖެ ގެނެސްފައެވެ. މިއާއެކު ވައިޑް ބޮޑީގެ ދަތުރުތައް ޗައިނާގެ 3 މަންޒިލަކަށް ފާށާއިރު، މިއީވެސް އިޤްތިޞާދު ސިންދަފާތު ކުރުމަށް އެޅިގެން ދިޔަ މުހިންމު ފިޔަވަޅެއް ގޮތުގައި ސަރުކާރުން ފާހަގަކުރައްވައެވެ. މޯލްޑިއަންއިން އަލަށް ގެނައި ބޯޓުގައި 264 މީހުން އެއްފަހަރާ އުފުލެއެވެ.

މީގެ އިތުރުން މިދިޔަ އަހަރަކީ ރާއްޖެއަށް އެންމެ ގިނަ ކާގޯ އެތެރެކުރި އަހަރަކީ މިދިޔަ އަހަރު ކަމަށް މޯލްޑިވްސް ޕޯޓްސް ލިމިޓެޑް، އެމްޕީއެލްއިން ވަނީ ހާމަކޮށްފައެވެ. އެމްޕީއެލްގެ ތަފާސް ހިސާބުތަކުން ދައްކާގޮތުން މިދިޔަ އަހަރު 66387 ކޮންޓެއިނަރު ރާއްޖެ އެތެރެކޮށްފައިވާއިރު، 131262 ފްރައިޓް ޓަނުގެ ޖެނެރެލް ކާގޯ އެތެރެކޮށްފައިވެއެވެ. ޖެނެރަލް ކާގޯއަކީ ކޮންޓެއިނަރުގައި ބަންދުކޮށްގެންނާއި، ނުކޮށް ގެންނަ ލުއި މުދަލެވެ.

ވޭތުވެ ދިޔަ ހަފާތްގައި ގިނަ ކުރިއެރުންތަކެއް ހޯދާފައިވާއިރު، ބޭރުފައިސާއާއި ބެހޭ ޤާނޫނަށް ވަނީ ޢަމަލުކުރަން ފަށާފައެވެ. އަލަށް ޢަމަލުކުރަން ފަށާ މި ޤާނޫނުގެ މަޤްޞަދަކީ، ދިވެހިރާއްޖޭގައި ބޭރު ފައިސާއިން ކުރެވޭނެ މުޢާމަލާތްތައް ކަނޑައަޅައި، ބޭރު ފައިސާ އެތެރެކޮށް ބޭނުންކުރުމާއި ގެންގުޅުމާއި އަދި ޖަމާކޮށް މާރުކުރުމާއި ގުޅޭ އުސޫލުތައް ކަނޑައަޅައި ހިންގުމަށް ބޭނުންވާ ޤާނޫނީ އޮނިގަނޑެއް ކަނޑައަޅައި އެކުލަވާލުމެވެ.

ވިއްސާރަ

އަހަރު ފެށިގެން މިހާތަނަށް އައިއިރު، އެންމެ ބޮޑަށް ފާހަގަކުރެވިގެން އިރުވައި މޫސުން ފެށުމާއިއެކުހެން ރާއްޖޭގެ ބޮޑު ސަރަހައްދަކަށް ވިއްސާކުރުމެވެ. އެންޑީއެމްއޭއިން މިހާތަނަށް ހިންގި އެންމެ ބޮޑު ރިލީފް އޮޕަރޭޝަނާއެކު، ވިއްސާރައިގެ ބޮޑެތި ގެއްލުން ރާއްޖޭގެ އެކި ސަރަހައްދުތަކަށް، ލިބިފައިވެއެވެ.

ވިއްސާރައިގައި ލިބުނު ގެއްލުން ދެނެގަތުމަށް ކުރިއަށްގެންދިޔަ އެސެސްމަންޓްތަކަށްފަހު ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީން ނެރުއްވި ބަޔާނުގައި ވިދާޅުވީ ވާރޭވެހި ފެންބޮޑުވުމުގެ ސަބަބުން މާލެއިން ގެއްލުންވި 145 ގެއެއް ފާހަގަކުރެވިފައިވާކަމަށާއި އޭގެ ތެރެއިން 115 ގެއެއްގެ އެސެސްމަންޓް ހަދާ ނިމިފައިވާކަމަށެވެ. އެސެސްމަންޓް ހަދަން ބޭނުން ނުވުމާއި އިތުރު ސަބަބުތަކާއި ހެދި ބާކީ ހުރި ގޭބިސީތަކުގެ އެސެސްމަންޓް ނުހަނދާނެ އެންޑިއެމްއޭއިން ފާހަގަކުރައްވައެވެ.

އަދި އަތޮޅުތެރޭގެ 8 ރަށަކުން ރިޕޯޓުކޮށްފައިވާއިރު 4 ރަށެއްގެ 73 ގެއަކަށް އެކިވަރުގެ ގެއްލުން ލިބިގެން އެސެސްމަންޓް ރިޕޯޓު ހުށައަޅާފައިވާކަމަށް އެންޑީއެމްއޭއިން ވިދާޅުވެއެވެ.