ރ. ފައިނުގެ ފެނާއި ނަރުދަމާ ނިޒާމުގެ ޚިދުމަތް ރައީސް ފައްޓަވައިދެއްވައިފި

ރ.ފައިނުގެ ފެނާއި ނަރުދަމާ ނިޒާމުގެ ޚިދުމަތް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ރަސްމީކޮށް އިފްތާހުކޮށްދެއްވައިފިއެވެ. މި ޚިދުމަތް އިފްތިތާތުކޮށްދެއްވީ ފައިނުގެ ރައްޔިތުނާ ބައްދަލުކުރެއްވުމަށް ބޭއްވި ޖަލްސަގައެވެ.

ފައިނުގެ ފެނާއި ނަރުދަމާ ނިޒާމުގެ މަސައްކަތަކީ މާލެ ވޯޓަރ އެންޑް ސްވަރެޖް ކޮންމެޕެނީއައި ހަވާލުކޮށްގެން ކުރިއަސްގެންދިޔަ މަސައްކަތެކެވެ. މި މަޝްރޫޢު ކުރިއަށްގެންދިޔައީ ދަޢުލަތުގެ ބަޖެޓުން 64.2 މިލިއަން ރުފިޔާ ޚަރަދުކޮށްގެންނެވެ.

މި މަޝްރޫޢުގައި އެރަށުގައި ނަރުދަމާގެ 3 ޕަމްޕް ސްޓޭޝަންއާއި ސީ އައުޓް ފޯލް އަދި ރަށުގަ ފެނާ ނަރުދަމާ ނެޓްވޯކް ވަނީ އަޅާފައެވެ. މީގެއިތުރުން 20 ޓަނުގެ ފެން އުފެއްދޭވަރުގެ 2 އާރް.އޯ ޕްލާންޓް ބެހެއްޓުމާ، ފެން ރައްކާކުރުމަށް 2 ޓެންކް އަދި ވާރޭ ފެން ރައްކާ ކުރާ ޓޭންކް ވަނީ ބަހައްޓާފައެވެ. މީގެއިތުރުން ގޭގެއަށް ފެނާ ނަރުދަމާގެ ކަނެކްޝަން ވަނީ ގުޅައިދީފައެވެ.

މީގެއިތުރުން އެރަށުގައި ބީއެމްއެލްގެ އެޓީއެމްގެ ޚިދުމަތް ފެށުމަށް، އެކަމަށް ބޭނުންވާ އިމަރާތް އެޅުމުގެ މަސައްކަތް ކައުންސިލާ ވަނީ ހަވާލުކޮށްފައެވެ.

މިކަމުގެ އެއްބަސްވުމުގައި ބީއެމްއެލްގެ ފަރާތުން ސޮއިކުރެއްވީ ޑިރެކްޓަރ އޮފް ރީޓެއިލް އެންޑް އެސްއެމްއީ ބޭންކީން ބަދުރުއްދީން ޙަސަނެވެ. އަދި ފައިނު ކައުންސިލްގެ ފަރާތުން ސޮއިކުރެއްވީ ފައިނު ކައުންސިލްގެ ރައީސް މޫސާ ޢުމަރު މަނިކުއެވެ. ފައިނަކީ ރ. އަތޮޅުގައި ބީއެމްއެލް އޭޓީއެމް ބެހެއްޓުމަށް ކައުންސިލާއެކު ސޮއިކުރި 7 ވަނަ ރަށެވެ.

މުޅި ރާއްޖެއަށް ބޭންކްގެ ޚިދުމަތް ފުޅާކުރުމަށް ސަރުކާރުން ކުރައްވަމުންދާ މަސައްކަތްތަކުގައި މިއަހަރު ނިމުމުގެ ކުރިން ރާއްޖޭގެ ހުރިހާ ރަށްތަކަށް ޚިދުމަތް ފުޅާކުރުމަކީ ސަރުކާރުގެ ޢަމާޒެވެ.