ޚަބަރު
ނައުރޫގެ މިނިވަންދުވަހުގެ ތަހުނިޔާ ރައީސުލްޖުމްހޫރިއްޔާ ފޮނުއްވައިފި
-
ނައޫރޫގެ މިނިވަން ދުވަހުގެ ގޮތުގައި ފާހަގަކުރަނީ ޖެނުއަރީ 31
(ކ) ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، (ވ) ނައޫރޫ ރައީސް އަދި ހެޑް އޮފް ސްޓޭޓް، ޑޭވިޑް ރަނިބޮކް އަޑެއާންގް--
ނައޫރޫގެ މިނިވަން ދުވަހުގެ މުނާސަބަތުގައި އެ ޤައުމުގެ ރައީސް އަދި ހެޑް އޮފް ސްޓޭޓް، ޑޭވިޑް ރަނިބޮކް އަޑެއާންގް އަށް، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ތަހުނިޔާ ފޮނުއްވައިފިއެވެ.
ރައީސުލްޖުމްހޫރިއްޔާގެ ފޮނުއްވެވި ތަހުނިޔާގެ މެސެޖުގައި، އެ ޤައުމުގެ އިސް ވެރިންނާއި ރައްޔިތުންނަށް، ތަހުނިޔާ އާއި ހެޔޮއެދުންތައް އަރިސްކުރެއްވިއެވެ. އަދި އެ ޤައުމުގެ ރައްޔިތުންނަށް ތަރައްޤީއާއި ފާގަތިކަމަށް އެދިވަޑައިގަންނަވާކަމަށްވެސް އެމެސެޖުގައި އެމަނިކުފާނު ވިދާޅުވިއެވެ.
ނައޫރޫގެ މިނިވަން ދުވަހުގެ ގޮތުގައި ފާހަގަކުރަނީ ޖެނުއަރީ މަހުގެ 31 ވަނަ ދުވަހެވެ.
ރާއްޖެއާއި ނައޫރޫއާ ދެމެދު ޚާރިޖީ ގުޅުން ޤާއިމުކޮށްފައިވަނީ 2000 ވަނަ އަހަރުގެ މޭ މަހުގެ 9 ވަނަ ދުވަހުގައެވެ.