ޚާރިޖީ ވަޒީރު އިންޑިއާއަށްކުރެއްވި ދަތުރުފުޅު ނިންމަވަލައްވައިފި

ރައިސީނާ ޑައިލޮގްގައި ބައިވެރިވެވަޑައިގަތުމަށް ޚާރިޖީ ވަޒީރު ޑރ. ޢަބްދުﷲ ޚަލީލް އިންޑިއާއަށް ކުރެއްވި ދަތުރުފުޅު ނިންމަވާލައްވައިފިއެވެ.

މިމަހުގެ 17 އިން މިއަދުގެ ނިޔަލަށް އިންޑިއާގެ ނިއުދިއްލީގައި ކުރިއަށްދިޔަ ރައިސީނާ ޑައިލޮގްގައި ޚާރިޖީ ވަޒީރު ވަނީ ބައިވެރިވެވަޑައިގެންފައެވެ. މި އަހަރުގެ ރައިސީނާގެ ޝަރަފުވެރި މެހެމާނުގެ ގޮތުގައި ބައިވެރިވެވަޑައިގަންނަވަނީ ނިއުޒިލެންޑްގެ ބޮޑުވަޒީރު ކްރިސްޓޮފަރ ލަކްސަންއެވެ.

Minister Dr. @abkhaleel had a productive meeting with Minister @DrSJaishankar today on the sidelines of the ongoing #RaisinaDialogue2025 in Delhi. Ministers reviewed the existing development partnership and explored avenues for future collaboration.
🇲🇻 - 🇮🇳 @MEAIndia pic.twitter.com/lHEs93NZqk

— Ministry of Foreign Affairs 🇲🇻 (@MoFAmv) March 18, 2025

މި ޑައިލޮގްގެ ތެރެއިން ކުރިއަށްދިޔަ "ކްލައިމެޓް ކެޓެކްލިސަމް: އެޑެޕްޓޭޝަން އެޖެންޑާ އިޒް ގެސްޕިންގް"ގެ ޕެނަލް ޑިސްކަޝަންގައި ޚާރިޖީ ވަޒީރު ވަނީ ބައިވެރިވެވަޑައިގެންފައެވެ. މި ޕެނަލް ޑިސްކަޝަންގައި ވާހަކަފުޅު ދައްކަވަމުން، މޫސުމަށް އަންނަ ބަދަލުތަކުގެ ސަބަބުން ދިމާވާ ދަތިތަކާއި އެ ދަތިތަކުން އަރައިގަތުމަށް ކުދި ޖަޒީރާ ޤައުމުތަކަށް ލިބޭ މާލީ އެހީތެރިކަން ހަރުދަނާކުރުމުގެ މައްޗަށް ވަޒީރު އަލިއަޅުވާލެއްވިއެވެ.

Foreign Minister Dr @abkhaleel met with the Special Assistant to the U.S. President and Senior Director for South and Central Asian Affairs, Ricky Gill at the #RaisinaDialogue2025 today.

Discussions focused on stregthening relations between 🇲🇻-🇺🇸. pic.twitter.com/L2cvniyplI

— Ministry of Foreign Affairs 🇲🇻 (@MoFAmv) March 18, 2025

ޚާރިޖީ ވަޒީރުގެ މި ދަތުރުފުޅުގެ ހަވާސާގައި ވަނީ އިންޑިއާގެ އެކްސްޓަރނަލް އެފެއަރޒް މިނިސްޓަރ ޑރ. އެސް ޖައިޝަންކަރާއި ބައްދަލުކުރައްވައި ރާއްޖެއާއި އިންޑިއާގެ ގުޅުން އިތުރަށް ބަދަހިކުރުމާގުޅޭގޮތުން މަޝްވަރަކުރައްވާފައެވެ. ހަމައެހެންމެ އިންޑިއާގެ އެހީގައި ރާއްޖޭގައި މިވަގުތު ކުރިއަށްދާ މަސައްކަތްތަކުގެ އެންމެފަހުގެ މަޢުލޫމާތު ހިއްސާކުރައްވާ، ތަރައްޤީގެ ރޮނގުން އިތުރަށް ކުރެވިދާނެ ކަންކަމާގުޅޭގޮތުންވެސް ދެ ބޭފުޅުން ވަނީ ފުޅާ ދާއިރާއެއްގައި މަޝްވަރާކުރައްވާފައެވެ.

Minister Dr. @abkhaleel joins the panel discussion “Climate Cataclysm: The Adaptation Agenda is Gasping” at #RaisinaDialogue2025. Emphasizing the critical role of finance in adaptation efforts, Minister stated, ’we must accelerate finance in trillions now’ pic.twitter.com/7dqn0JIoSh

— Ministry of Foreign Affairs 🇲🇻 (@MoFAmv) March 18, 2025

ވަޒީރު ޑރ. ޚަލީލް ވަނީ އެހެން ބައެއް ޤައުމުތަކުގެ ޚާރިޖީ ވަޒީރުންނާވެސް، މި ބައްދަލުވުމުގެ ހަވާސާގައި ބައްދަލުކުރައްވާ މުހިންމު މަޝްވަރާތަކެއް ކުރައްވާފައެވެ.

ރައިސީނާ ޑައިލޮގަކީ އޮބްޒާވާ ރިސާޗް ފައުންޑޭޝަނާއި އިންޑިއާގެ މިނިސްޓްރީ އޮފް އެކްސްޓާނަލް އެފެއާޒް ގުޅިގެން ކޮންމެ އަހަރަކު ބާއްވާ ކޮންފަރެންސެކެވެ.