މާލޭގައި 500 ހައުސިންގ ޔުނިޓް އަޅަން ޗައިނާއިން އެހީވަނީ

މާލޭގައި 500 ސޯޝަލް ހައުސިންގ ޔުނިޓު ތަރައްޤީކުރުމަށް ޗައިނާއާއެކު އެއްބަސްވުމެއް ޤާއިމުކޮށްފިއެވެ.

ބެއިޖިންގައި ކުރިއަށްގެންދިޔަ "ހައި ލެވެލް ކޮންފަރެންސް އޮން ގްލޯބަލް އެކްޝަން ފޯރ ޝެއަރޑް ޑިވެލޮޕްމަންޓް"ގެ ހަވާސާގައި ކުރިއަށްދިޔަ މަޝްވަރާތަކުގެ "މިނިޓްސް އޮފް ދަ މީޓިންގ"ގައި މިހާރު ވަނީ ދެޤައުމުން ސޮއިކޮށްފައެވެ.

ޗައިނާގެ ވެރިރަށް ބެއިޖިންގގައި މިމަހުގެ 21 އިން 22 އަށް ކުރިއަށްގެންދިޔަ "ހައި ލެވެލް ކޮންފަރެންސް އޮން ގްލޯބަލް އެކްޝަން ފޯރ ޝެއަރޑް ޑިވެލޮޕްމަންޓް"ގެ ހަވާސާގެ ތެރެއިން ވަނީ މާލެ ސިޓީގައި ޗައިނާގެ އެހީތެރިކަމާއެކު 500 ސޯޝަލް ހައުސިންގ ޔުނިޓު ޤާއިމުކުރުމަށްޓަކައި ފުޅާ ދާއިރާއެއްގައި މަޝްވަރާކުރައްވާފައެވެ. މި މަޝްވަރާތަކުގެ އަލީގައި މިމަޝްރޫޢު ކުރިއަށްގެންދިޔުމުގައި ދެޤައުމަށް އެއްބަސްވެވުނު ކަންތައްތަކުގެ "މިނިޓްސް އޮފް ދަ މީޓިންގ"ގައި ވަނީ ސޮއިކޮށްފައެވެ.

During the Third High-Level Conference on Global Action for Shared Development, held in Beijing from 21–22 April 2026, the Government of the Maldives, on the sidelines of the conference, signed the minutes of a meeting with the Government of the People’s Republic of China for the… pic.twitter.com/eAGiGNSd2w

— Ministry of Infrastructure, Housing and Urban Dev. (@MIHUDmv) April 25, 2026

ބިނާރާއި ގެދޮރުވެރިކަމާއި އުމްރާނީ ތަރައްޤީއާ ބެހޭ ވުޒާރާއިން ވިދާޅުވީ، މާލޭގައި ސޯޝަލް ހައުސިންގ ޔުނިޓު އެޅުމަށް ކުރިއަށްގެންދާ މަޝްރޫޢުގެ ފައިނޭންސް ހަމަޖެއްސުމަށް ޗައިނާއިން އެއްބަސްވެފައިވަނީ އިންޓްރެސްޓަކާއި ނުލައި ދޭ އެހީގެ ގޮތުގައެވެ.

މި މަޝްރޫޢުގެ ދަށުން ކުރެވުނު މަޝްވަރާތަކުގެ އަދި އެއްބަސްވެވުނު ކަންތައްތަކުގެ "މިނިޓްސް އޮފް ދަ މީޓިންގ"ގައި ދިވެހި ސަރުކާރުގެ ފަރާތުން ސޮއިކުރެއްވީ ބިނާރާ ބެހޭ ވުޒާރާގެ ސްޓޭޓް މިނިސްޓަރ އިބްރާހީމް ޠޮއާމް މުޙައްމަދެވެ. އަދި ޗައިނާ ސަރުކާރުގެ ފަރާތުން ސޮއިކުރެއްވީ ޗައިނާ އިންޓަރނޭޝަނަލް ޑިވެލޮޕްމަންޓް ކޯޕަރޭޝަން އޭޖެންސީގެ ޗެއަރމަން ލިޔު ޖުންފެންގއެވެ.

ޗައިނާގެ އެހީގައި ރާއްޖޭގައި ކުރިއަށްގެންދާ ތަރައްޤީގެ މަޝްރޫޢުތަކާއި ގުޅިގެން އިތުރު ބައްދަލުވުމެއްވެސް ބާއްވާފައިވާކަމަށް ބިނާރާ ބެހޭ ވުޒާރާއިން ވިދާޅުވެއެވެ. މިބައްދަލުވުމުގައި މިމަޝްރޫޢުތައް ޔަޤީންކަމާއެކު ކުރިއަށްގެންދިޔުމާއި ގުޅޭގޮތުން ދެފަރާތުންވެސް އެއްބާރުލުން ދެއްވާނެކަމުގެ ޔަޤީންކަންވަނީ ދެއްވާފައެވެ.