ދުނިޔޭގެ އެންމެ ބޮޑު ޓްރެެވަލް ފެއަރ ކަމުގައިވާ އައިޓީބީގެ އިންޑިޔާ އެޑިޝަން، ބާރަތު އިންޓަރނޭޝަނަލް ޓޫރިޒަމް ބާޒާރުގައި ރާއްޖެއިން ބައިވެރިވެއްޖެއެވެ.
ބާރަތު އިންޓަރނޭޝަނަލް ޓޫރިޒަމް ބާޒާރު،ބީއައިޓީބީގައި މޯލްޑިވްސް އެސޯސިއޭޝަން އޮފް ޓްރެވަލް އެޖެންޓުސް އެންޑް ޓުއަރ އޮޕަރޭޓަރސް، މާޓާޓޯ އާއި އެކު ރާއްޖޭގެ ފަތުރުވެރިކަމުގެ ސިނާއަތުގައި ހަރަކާތްތެރިވާ 11 ފަރާތަކުން މި ފެއަރގައި ބައިވެރިވެފައިވެއެވެ.
މިމަހުގެ 4 ން 6 ށް އިންޑިޔާގެ ވެރިރަށް ނިއުދިއްލީގައި ކުރިއަށްދާ މި ފެއަރއަކީ އިންޑިޔާގައި ބާއްވާ އެންމެ ބޮޑު ޓްރެވަލް ފެއަރއެކެވެ. ފައްސަތޭކައެއްހާ އެގްޒިބިޓަރުން މި ފެއަރގައި ބައިވެރިވެފައިވާ އިރު، މި ފެއަރ މެދުވެރިކޮށް ރާއްޖެ އިތުރަށް އިޝްތިހާރުކޮށްް އިންޑިޔާއިން ރާއްޖެއަށް ޒިޔާރަތްކުރާ ފަތުރުވެރިންގެ އަދަދު އިތުރުކުރެވިގެންދާނެ ކަމަށް މަޓާޓޯ ދެކެއެވެ.