ރާއްޖޭގައި ބާއްވާ ބައިނަލްއަޤްވާމީ ފުރަތަމަ ޓްރެވަލް ޓްރޭޑް ޝޯ، ޓީޓީއެމްގެ ގާލާ ނައިޓް އަދާރަން ސިލެކްޓް ހުދުރަންފުށީގައި ބާއްވަން ނިންމައިފިއެވެ.
މިއާއެކު ޓްރެވަލް ޓްރޭޑް ޝޯ އިންތިޒާމްކުރާ ފަރާތްކަމުގައިވާ މޯލްޑިވްސް ގެޓަވޭސްއާއި އަދާރަން ސިލެކްޓް ހުދުރަންފުއްޓާ ދެމެދު ވަނީ އެކަމާގުޅޭ އެއްބަސްވުމުގައި ސޮއިކޮށްފައެވެ.
img:http://s1.psmnews.mv/images/660x400/14871514142734.jpg|މޯލްޑިވްސް ގެޓަވޭސްއާއި އަދާރަން ސިލެކްޓު ހުދުރަންފުއްޓާ ދެމެދު އެއްބަސްވުމުގައި ސޮއިކުރުމުގެ ރަސްމިއްޔާތުގެ ތެރެއިން / ފޮޓޯ: މޯލްޑިވްސްގެޓަވޭސް
2020 ވަނަ އަހަރު ރާއްޖެއަށް ދެމިލިއަން ފަތުރުވެރިން ގެނައުމުގެ އަމާޒުގައި ބާއްވާ މި ޓްރެވަލް ޓްރޭޑް ޝޯގައި ދުނިޔޭގެ އެކި ހިސާބުތަކުން އަދި ރާއްޖޭގެ ފަތުރުވެރިކަމުގެ ސިނާޢަތުގައި ޙަރަކާތްތެރިވާ ތިންސަތޭކައަށްވުރެ ގިނަ ފަރާތަކުން ބައިވެރިވާނެކަމަށް މޯލްޑިވްސް ގެޓަވޭސްއިން ބުނެއެވެ. އަންނަ ޖުލައިމަހުގެ ބާރައިން ތޭރައަށް ދަރުބާރުގޭގައި ބާއްވާ މި ޓުރެވަލް ޓްރޭޑް ޝޯއަކީ ރާއްޖޭގެ ރިސޯޓްތަކާއި ރިސޯޓް ސެގްމަންޓްގައި ހުރި ޕްރޮޕަޓީތައް ޕްރޮމޯޓްކުރުމަށް ބާއްވަން ހަމަޖައްސާފައިވާ އިވެންޓެކެވެ.